Шууд Chart

Мэргэжлийн сүмо бөхийн Нацү башё эхэллээ

2021-05-10 11:18:04

Нацү башё өчигдөр Токио хотын Рёогокү Кокүгикан ордонд цар тахлын улмаас үзэгчгүй эхэллээ.

Ёкозүна Хакүхо М.Даваажаргал бэртлийн улмаас энэ удаагийн башёд оролцох боломжгүй болсон учир Нацү башё ёкозүна цолтой бөхгүйгээр явагдаж байна.

Башёгийн эхний өдөр озэки цолтой дөрвөн бөх бүгд даваа авчээ. Зүүнийг манлайлж буй озэки Асанояама комүсүби Дайэйшог давсан бол барууны манлай озэки Такакэйшо маэгаширагийн нэгдүгээрт эрэмбэтэй Вакатакакагэг, озэки Шодай Хокүтофүжиг тус тус давав.

Харин озэки цолоо эргүүлэн аваад буй Тэрүнофүжи Г.Ган-Эрдэнэ маэгаширагийн хоёрдугаарт эрэмбэтэй Мэйсэйг давжээ.

Монгол бөхчүүдээс Хошорюү С.Бямбасүрэн, Ичиножо А.Ичинноров, Тамаваши Б.Мөнх-Оргил нар даваа авсан бол Кирибаяама Б.Лхагвасүрэн, Чиёошома Г.Мөнхсайхан нар өвдөг шороодов.

Нийтэлсэн: У.Баярсайхан

Мэргэжлийн сүмо бөхийн Нацү башё эхэллээ   
Үзсэн: 1598 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй