Шууд Chart

Аялал жуулчлалын салбарт хөдөлмөрийн түр гэрээгээр ажилладаг ажилчдыг улирлын чанартай НДШ-д хамруулна

2021-05-18 15:24:25

Монгол Улсын Ерөнхий сайд Л.Оюун-Эрдэнэ аялал жуулчлалын салбарын бизнес эрхлэгчидтэй хийсэн уулзалтын үеэр тус салбарт тулгамдаж буй асуудал, гарц шийдлүүдийн талаар хэлэлцэж, хөдөлмөр, нийгмийн хамгааллын хүрээнд түр ажилчдыг улирлын чанартай нийгмийн даатгалд хамруулах асуудлыг хөндсөн. Энэ асуудлыг салбарын яам судлаж дараах хариуг ирүүлсэн байна.

Аялал жуулчлалын салбарт хөдөлмөрийн түр гэрээгээр ажилладаг ажилчдыг улирлын чанартай нийгмийн даатгалын шимтгэл төлдөг ангилалд хамааруулах асуудал нь Хөдөлмөрийн тухай хуулийн 46 дүгээр зүйлийн 46.3 дахь хэсэгт “Улирлын шинжтэй ажил, үйлдвэрлэл, үйлчилгээ эрхэлдэг аж ахуй нэгж, байгууллагын үндсэн ажилтны ажиллаагүй хугацааны нийгмийн болон эрүүл мэндийн даатгалын шимтгэл, хураамжийг цалин хөлсний доод хэмжээгээр тооцон ажил олгогч төлнө"  гэж “Нийгмийн даатгалын тухай хуулийн 16 дугаар зүйлийн 7 дахь хэсэг “Хуанлийн жилд 7 сараас доошгүй хугацаагаар улирлын чанартай ажил, үйлчилгээ эрхэлдэг аж ахуй нэгж байгууллагад хөдөлмөрийн гэрээгээр ажилладаг ажилтныг жилийн туршид нийгмийн даатгалд хамруулсанд тооцно” гэж 16 дугаар зүйлийн 8 дахь хэсэгт “Энэ зүйлийн 7 дахь хэсэгт заасан ажилтны нийгмийн даатгалын шимтгэлийг энэ хуулийн 15 дугаар зүйлийн 1 дэх хэсэгт заасан ажил олгогчийн төлөх шимтгэлийн хувь хэмжээгээр төлнө гэж тус тус заасны дагуу тус салбарт хөдөлмөрийн гэрээгээр ажиллаж буй ажилчид улирлын чанартай нийгмийн даатгалын шимтгэл төлдөг ангилалд хамрагдах боломжтой гэжээ.

Тухайн байгууллага долоон сараас доошгүй хугацаагаар улирлын чанартай ажил, үйлчилгээ эрхэлсэн бол Сангийн сайд, Хөдөлмөр нийгмийн хамгааллын сайдын 2020 оны 246/А/245 дугаар хамтарсан тушаалын 2 дугаар хавсралтаар баталсан “Нийгмийн даатгалын сангийн анхан шатны бүртгэлийн маягт хөтлөх журам” -ын 2.26.9-т заасны дагуу ажил олгогчийн нийгмийн даатгалын шимтгэл төлөлтийн тайланд бүртгэх 25 ангиллын даатгуулагчийн төрөл, кодоор бүртгүүлэн тайланг хүлээлгэн өгснөөр улирлын чанартай ажил үйлчилгээ эрхлэгч гэсэн ангилалд хамрагдах юм байна.

Эх сурвалж: БОАЖЯ


Аялал жуулчлалын салбарт хөдөлмөрийн түр гэрээгээр ажилладаг ажилчдыг улирлын чанартай НДШ-д хамруулна   
Үзсэн: 250 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй