2014 оны хөлбөмбөгийн ДАШТ-ий нээлтийн тоглолт болох "Арена Сао Пауло" цэнгэлдэх хүрээлэн албан ёсоор нээлтээ хийлээ. Тус цэнгэлдэх хүрээлэнгийн нээлтийн үеэр Бразилийн лигийн хүрээнд Фигуйренсе болон Коринтианс клубуудын тоглолт болж Фигуйренсе клуб өрсөлдөгчөө 1:0-ийн харьцаатайгаар хожжээ. Энэхүү тоглолтын үеэр цэнгэлдэх хүрээлэнгийн 12 үйл ажиллагаанд хяналт тавьж, үнэлгээ дүгнэлт өгсөн бөгөөд эдгээрт нь аюулгүй байдал, сайн дурын ажилчид, үзэгчдийн үйлчилгээ, тэмцээн, цэвэрлэгээ, тээвэр, хэвлэлийн үйл ажиллагаа, ТВ, технологи, хоолны үйлчилгээ, эмнэлгийн тусламж зэрэгт ажиглалт хийжээ.

Үүний дараа болсон хэвлэлийн бага хурлын үеэр ДАШТ-ийг ЗБХ-ны дарга Р.Трэйд  “Бид сэтгэл хангалуун байна. Мэдээж зарим зүйлсийг сайжруулах хэрэгтэй нь тодорхой ч тест хийсний үр дүнд бид юу юуг сайжруулах, юунд нь анхаарах хэрэгтэйгээ ойлголоо. Бид зургаадугаар сарын 11-нд хамгийн гайхалтай нээлтийг дэлхий дахинд бэлэглэхээр эрчимтэй ажиллаж байна. Мөн ийм гайхалтай цэнгэлдэх хүрээлэнг хүлээн авсандаа баяртай байна” гэжээ. 

Эх сурвалж: shuum.mn