Шууд Chart

Бээжингийн олимпын үеэр цар тахлаас урьдчилан сэргийлэх тусгай журам мөрдөнө

2021-10-16 11:38:54

Бээжингийн өвлийн олимп болон паралимп зохион байгуулах хороо ирэх онд болох олимпын үеэр хэрэгжүүлэх цар тахлаас урьдчилан сэргийлэх арга хэмжээг туршилтын шугамаар олон нийтэд танилцуулсан байна. Өвлийн олимпын үеэр тамирчид болон оролцогчдыг үзэгч, хөгжөөн дэмжигчдээс тусгаарлаж, уралдаан тэмцээнийг тухайн цэгээс нь цахимаар шууд дамжуулах юм байна.

“Хаалттай хүрд” нэртэй энэхүү менежментийн тогтолцоо нь энэ зун болсон Токиогийн олимпын үеэр хэрэгжүүлсэн зохицуулалттай төстэй юм байна. Тухайлбал, Бээжингийн олимпын үеэр ажилчдаас өдөр бүр авах Пи Си Ар шинжилгээний мэдээллийг хянахад QR код ашиглах юм байна.

Энэ оны сүүлч гэхэд Олимпын наадмын цэнгэлдэх хүрээлэнгүүдэд туршилтын 10 үйл ажиллагаа явуулахаар төлөвлөжээ. Тэдгээрийн нэг болох олон улсын уран гулгалтын тэмцээний туршилтыг ковидын эсрэг зохицуулалтын хүрээнд хийлээ. 

Олимп зохион байгуулагчид цар тахлын нөхцөлд олон улсын том тэмцээн зохион байгуулах хүчин чадалтай гэдгээ харуулахын зэрэгцээ өвлийн олимпын наадмыг ажилттай зохион байгуулна гэдгээ харуулах үүднээс энэхүү туршилтын үйл ажиллагааг зохион байгуулжээ.

Түүнчлэн зохион байгуулагчид өвлийн олимпод зориулсан "Ковид-19" цар тахлын эсрэг тусгай журмыг энэ сарын сүүлчээр гаргахаар төлөвлөж байна.

Бээжингийн өвлийн олимп 2022 оны хоёрдугаар сарын 4-20-ны хооронд болох юм.

Нийтэлсэн: Moнголын мэдээ

Бээжингийн олимпын үеэр цар тахлаас урьдчилан сэргийлэх тусгай журам мөрдөнө   
Үзсэн: 420 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй