Бүртгэлийг өнгөрсөн дөрөвдүгээр сарын 20-ны өдрөөс эхлэн явуулсан бөгөөд өнөөдөр 17:00 цаг хүртэл Нийслэлийн Биеийн тамир, спортын газар, Нийслэлийн Боловсролын газар, Монголын Хөнгөн атлетикийн холбоо, “Ар Монгол трайвэл” групп, Монголын Залуучуудын холбоо, Монголын Оюутны холбооны байранд тус тус явуулах гэнэ. Тодруулбал, Гүйлтийн  42195 м, 21975 м, 8000 м-ийн зайд уралдах гүйгчид 15000 төгрөг, 4000 м, 5000 м-ийн зайд уралдах монголын гүйгчид 2000 төгрөгийн хураамж төлөх аж.

Бүртгэлд хамрагдах гүйгчид иргэний үнэмлэх болон өөрийнхөө төрсөн он, сар, өдрийг баталгаажуулах бичиг баримт, тухайн тамирчны оролцох зайд гүйж болохыг зөвшөөрсөн эмчийн бичиг, гадаадын тамирчид эрүүл мэндийн даатгал зэргийг авч ирэх бөгөөд тэмцээний өдөр бүртгэл хийхгүй .

Гүйлтийн тэмцээний үеэр марафон, сонирхогчдын гүйлт гэсэн дараах хоёр төрлийн тэмцээн болно.

Тэмцээн - 1. Марафон:

18-аас дээш настай марафон гүйлтээр тогтмол хичээллэгчдийн дунд хагас марафон /21975 м/, бүтэн марафон /42195м/ гүйлтийн тэмцээнийг зохион байгуулна.

Тэмцээн - 2. Сонирхогчдын гүйлт:

Сонирхогчдын гүйлтийг 4 насны ангиллаар 4 зайд зохион байгуулна.
17 нас хүртэл - 4000 м  /эр, эм, зөвхөн сонирхогчдын дунд/
18-35  нас - 8000 м, /эр, эм, зөвхөн сонирхогчдын дунд/
36- 49  нас - 5000 м  /эр, эм, зөвхөн сонирхогчдын дунд/
50-иас дээш нас - 4000 м  /эр, эм, зөвхөн сонирхогчдын дунд/