Шууд Chart

Нийслэлийн удирдлагууд 11-11 төвд ажиллаж, иргэдтэй уулзлаа

2022-05-16 21:20:15

Нийслэлийн Засаг дарга бөгөөд Улаанбаатар хотын Захирагч Д.Сумъяабазар болон нийслэлийн удирдах албан тушаалтнууд Засгийн газрын Иргэд, олон нийттэй харилцах 11-11 төвд ажиллаж, иргэдтэй уулзлаа.

Уулзалтад 60 гаруй иргэн оролцож, тулгамдсан 37 асуудлаар санал, хүсэлтээ илэрхийлэв. Иргэд газрын зөрчил, барилга, автомашины зогсоол, эрүүл мэндийн тусламж зэрэг асуудлыг онцлон хөндлөө. Тухайн асуудлуудад холбогдох албаныхан хариу тайлбар өгч, иргэдийн гомдол, саналыг шийдвэрлэхээ илэрхийлсэн юм.

Иргэд нийслэлийн удирдлагууд ийнхүү хүлээн авч уулзан, асуудлыг нь сонсож, шийдэл гаргахаар холбогдох албан тушаалтнуудад үүрэг, даалгавар өгч байгаад талархаж буйгаа хэлж байв. Мөн гүйцэтгэх албан тушаалтнууд Хотын даргын нэрийг барьж, хууль бус үйлдэл хийдэг, ажилдаа хариуцлагагүй хандаж, иргэдэд ихээхэн хүнд суртал үүсгэдэг талаар нийслэлийн удирдлагуудад илэрхийлж байсан юм.

Уулзалтын үеэр Хотын дарга иргэдэд тулгамдсан асуудлыг судалж, долоо хоногийн дотор хариу өгөх, хуулийн хүрээнд асуудлыг нь шийдвэрлэхийг холбогдох албан тушаалтнуудад үүрэг болголоо.


Нийслэлийн удирдлагууд 11-11 төвд ажиллаж, иргэдтэй уулзлаа  
Үзсэн: 323 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй