Хөдөлгөөний аюулгүй байдлыг хангах чиглэлээр үүрэг гүйцэтгэж буй алба хаагчдын ажлын ур чадвар, хууль эрх зүйн мэдлэг, ажиллах чадавх, бие бялдрын түвшинд үнэлгээ өгч, идэвх чармайлтыг дээшлүүлж, урамшуулах зорилгоор зохион байгуулсан “Шилдэг зохицуулагч-2022” тэмцээн амжилттай болж өндөрлөлөө. Тэмцээнд Тээврийн цагдаагийн албаны харьяа нэгж, нутаг дэвсгэр хариуцсан цагдаагийн байгууллагын замын цагдаагийн нэгжийн 1 зохицуулагч, 2 цагдаа зохицуулагч нийт 3 алба хаагчийн бүрэлдэхүүнтэй 34 багийн 102 алба хаагч оролцож, хурд хүч, эрдэм мэдлэгээ сорьсон юм.

“Шилдэг зохицуулагч-2022” тэмцээний “Тэргүүн байр”-т Хан-Уул дүүрэг дэх цагдаагийн газрын Замын цагдаагийн хэлтсийн баг, багийн ахлагч цагдаагийн дэслэгч Э.Энхманлай, “Дэд байр”-т Тээврийн цагдаагийн албаны Замын цагдаагийн газрын Нийслэлийн хөдөлгөөн зохицуулах хэлтсийн баг, багийн ахлагч цагдаагийн ахлах дэслэгч Н.Мөнгөншагай, “Гутгаар байр”-т Завхан аймаг дахь Цагдаагийн газрын Замын цагдаагийн тасгийн баг, багийн ахлагч цагдаагийн ахлах дэслэгч С.Мягмаржав, “Шилдэг зохицуулагч”-аар Налайх дүүрэг дэх цагдаагийн хэлтсийн Замын цагдаагийн тасгийн зохицуулагч, цагдаагийн ахлах дэслэгч Б.Даштогтох, “Шилдэг цагдаа зохицуулагч”-аар Багахангай дүүрэг дэх цагдаагийн хэлтсийн Замын цагдаагийн хэсгийн цагдаа зохицуулагч, цагдаагийн ахлах ахлагч Т.Пүрэвдалай нар тус тус шалгарав.