Шууд Chart

Б.Энхболд: Иргэд тайван замаар үзэл бодлоо илэрхийлж буй жагсаал цуглаанд мал, амьтан оролцуулахаас аль болох татгалзах нь зүйтэй

2022-12-09 10:13:20

Нүүрсний хулгайн эсрэг иргэдийн жагсаал энэ сарын 4-нд Сүхбаатарын талбайд эхэлсэн. Хүний эрхийн үндэсний комиссоос гаргасан зөвлөмжийн дагуу цагдаагийн байгууллага иргэдийн үзэл, бодлоо илэрхийлэх эрх чөлөөнд хүндэтгэлтэй хандаж, эрүүл мэнд болоод аюулгүй байдал хангаж, бусдын ятгалганд автан эмх замбараагүй байдал үүсгэхээс урьдчилан сэргийлэх зорилгоор зөвлөмж өгч ажиллаж байгаа гэдгээ мэдэгдсэн.

Түүнчлэн орон нутгийн зарим иргэн тус жагсаалд морьтой оролцоно, морьтойгоо нэгдэнэ гэсэн юм. Тэгвэл энэ талаар Хүний эрхийн үндэсний комиссын гишүүн Б.Энхболд өөрийн цахим хаягтаа зөвлөмж нийтэлсэн байна. Тэрбээр “Иргэд тайван замаар явганаар үзэл бодлоо илэрхийлж буй жагсаал цуглаанд мал, амьтан оролцуулах нь бусдын аюулгүй байдал, эрүүл мэндэд сөрөг нөлөө үзүүлэх, оролцогчдын чөлөөт илэрхийлэлд саад учруулдаг тул аль болох энэ үйлдлээс татгалзах нь зүйтэй.

Хэрэв мал амьтан ашигласан тохиолдолд эзэн түүний аюулгүй байдлыг хангаж, үүсэх үр дагаврыг хариуцах үүрэгтэй.

.

Нийтэлсэн: Т.Болор-Эрдэнэ

Б.Энхболд: Иргэд тайван замаар үзэл бодлоо илэрхийлж буй жагсаал цуглаанд мал, амьтан оролцуулахаас аль болох татгалзах нь зүйтэй  
Үзсэн: 120 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй