Европын холбооны эрчим хүчний сайд нар мягмар гарагт Брюссель хотноо байгалийн хийн үнийн дээд хязгаарын талаар тав дахь удаагаа яаралтай хуралдсан байна. Гэсэн хэдий ч энэ асуудлаар хараахан эцсийн тохиролцоонд хийж чадаагүй тул ирэх даваа гарагт дахин хуралдах шийдвэр гаргажээ.

ЕХ Европын эрчим хүчний хямралыг намжаах талаар улс орнуудын хооронд хэдэн сарын турш маргалдсаны эцэст байгалийн хийн үнийн дээд хязгаарыг тогтоох талаар дахин хуралдсан хэдий ч улс орнууд энэ асуудал дээр зөрчилдөөнтэй хэвээр байна. Европын холбооны эрчим хүчний сайд нар ирэх долоо хоногийн даваа гарагт байгалийн хийн дээд үнийг тогтоохоор дахин хуралдах юм байна. Герман, Австри, Нидерланд улсууд байгалийн хийн үнийг хязгаарлахаас болгоомжилж байгаа бөгөөд дээд үнэ тогтоох нөхцөлд эрчим хүчний зах зээлийн үйл ажиллагааг тасалдуулж нийлүүлэлт эрсдэлд орно болзошгүй гэж үзэж байгаа юм байна. Харин Грек, Бельги, Итали, Польш зэрэг бусад муж улсууд айл өрхүүдийн хийн үнийг бууруулж, эдийн засгаа эрчим хүчний өндөр үнээс хамгаална гэж харж байгаа тул үнийн дээд хэмжээг тогтоохыг шаардаж байна. Одоо байгалийн хийн нэг мегаватт нь 140.55 евро буюу 219 ам.доллароор худалдаалагдаж байгаа юм.