“Архангай аймгийн нутаг дэвсгэрт буудуулсан хүн байна” гэх дуудлага өнгөрсөн сарын 25-нд цагдаагийн байгууллагад бүртгэгджээ. Энэ мэдээллийн дагуу Архангай аймгийн цагдаагийн газрын алба хаагчид шалгахад 16 настай эрэгтэй Э галт зэвсэг оролдож байгаад сум алдсаны улмаас 17 настай эрэгтэй Н-ын нүүрэн тус газар буудаж гэмтэл учруулсан хэрэгт шалгалтын ажиллагаа явуулж байна.

Энэ хэрэгтэй холбогдуулан галт зэвсэг эзэмшиж байгаа иргэдийг галт зэвсгээ хадгалахдаа гох болон замгийг зориулалтын түгжээгээр түгжиж, сумыг тусад нь хадгалах, түгжээ байхгүй тохиолдолд бууны замгийг салгаж буу, замаг хоёрыг тусад нь хадгалж учирч болзошгүй эрсдэлээс урьдчилан сэргийлэхийг анхаарууллаа.