Хүүхэд, гэр бүлийн хөгжил, хамгааллын ерөнхий газраас Боловсролын ерөнхий газартай 2024 онд хэрэгжүүлэх арга хэмжээний хамтарсан төлөвлөгөөний төслийг хэлэлцэх уулзалт зохион байгууллаа.

Уулзалтад ХГБХХЕГ-ын даргын албан үүргийг түр орлон гүйцэтгэгч Ш.Чинбат,  БЕГ-ын Суралцагчийн хөгжлийн газрын дарга Ж.Болормаа болон холбогдох мэргэжилтнүүд оролцож, 2024 онд дараах чиглэлээр хамтран ажиллахаар төлөвлөлөө.

Тухайлбал,

-Хүүхэд хамгааллын тухай хуулийн шинэчилсэн найруулгыг олон нийтэд таниулах бэлтгэл ажлыг хангах
-Хүүхэд хамгааллын бодлого, хууль тогтоомжийн хэрэгжилтийг сайжруулах
-Хүүхдийг эрсдэлээс урьдчилан сэргийлэх нөлөөллийн арга хэмжээ зохион байгуулах
-Хүүхдийн эрхийг хангах, эцэг, эхийн үүрэг хариуцлагыг нэмэгдүүлэх, хууль тогтоомжийн талаар мэдлэгтэй болгох, сургалт, нөлөөллийн арга хэмжээ зохион байгуулах
-Үе тэнгийн сургагч багш бэлтгэж, цахим орчны зохистой хэрэглээ, үе тэнгийн дээрэлхэлт, гэр бүлийн боловсрол, хүүхдийн эрхийн  талаар сурагчдад мэдлэг олгох
-Хүүхдэд ээлтэй орчин бүрдүүлэх
-Нийгмийн ажлын мэргэжлийн удирдлага бэлтгэх хөтөлбөр хэрэгжүүлэх
-Хүүхдэд зориулсан шинжлэх ухааны мэдлэг олгох контент бүтээх зэрэг үйл ажиллагааг хэрэгжүүлэхээр төлөвлөгөөнд тусгалаа гэж Хүүхэд, гэр бүлийн хөгжил, хамгааллын ерөнхий газраас мэдээллээ.