Шууд Chart

Цахим хөгжил, харилцаа холбооны салбар дахь хүүхдийн эрхийн хэрэгжилттэй танилцлаа

2024-02-22 10:35:34

Өчигдөр /2024-02-21/ ХНХЯ-ны Төрийн нарийн бичгийн дарга Э.Ганхүүгээр ахлуулсан албаны хүмүүс болон Хүүхдийн төлөө үндэсний зөвлөлийн зарим гишүүд Цахим хөгжил, харилцаа холбооны яаманд батлагдсан удирдамжийн хүрээнд ажиллалаа.  

Цахим хөгжил, харилцаа холбооны яамнаас Төрийн нарийн бичгийн дарга Б.Батцэцэг, И-Монгол Академи УТҮГ-ийн захирал Б.Мягмарнаран болон холбогдох албаны хүмүүс оролцож, салбарын хүүхдийн эрхийг хангах чиглэлээр хэрэгжүүлж байгаа бодлого, үйл ажиллагаа, хүүхдийн цахим орчны хэрэглээ, өнөөгийн нөхцөл байдлын судалгаа, цаашид хэрэгжүүлэх арга хэмжээний талаар танилцуулав.
Хүүхдийн төлөө үндэсний зөвлөлийн гишүүдээс  

-Хүүхэд хамгааллын тухай хуулийг /шинэчилсэн найруулга/ хэрэгжүүлэх бэлтгэл ажлууд болон Хүүхдийн эрхийн тухай НҮБ-ын конвенцын хэрэгжилтийн 6,7 дугаар тайлан боловсруулах ажлыг салбарын яамд анхаарч хэрэгжүүлэх;  

- Хүүхдийн эрхийн чиглэлээр ажилладаг төрийн бус байгууллагуудтай цахим орчны хүүхэд хамгааллын хүрээнд хамтран ажиллаж, тэдний оролцоог хангах,  
- Салбарын хүүхэд хамгааллын бодлогын хэрэгжилтээ эрчимжүүлэх,
- Цахим орчинд хүүхдийн эрхийг хамгаалах бодлого, үйл ажиллагааг оновчтой тодорхойлж, технологийн шийдлүүдийг ашиглах, сайжруулах талаар тодорхой санал солилцов.

Эх сурвалж: ХНХЯ


Цахим хөгжил, харилцаа холбооны салбар дахь хүүхдийн эрхийн хэрэгжилттэй танилцлаа  
Үзсэн: 192 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй