Шууд Chart

“Байгалийн ухааны олон зорилтот лаборатори"-ийн кабинетийг хүлээн авлаа

2024-02-23 09:32:29

Азийн хөгжлийн банкны санхүүжилтээр Боловсрол, шинжлэх ухааны яамнаас хэрэгжүүлж буй "Эдийн засгийн хүндрэлийн үед боловсролын чанар, хүртээмжийг сайжруулах" төслийн хүрээнд нийслэлийн Сүхбаатар дүүргийн Багшийн хөгжлийн ордонд "Байгалийн ухааны олон зорилтот лаборатори"-ийг байнгын ашиглалтад хүлээн авах комисс ажиллав.

Тус лабораторийг Монгол Улсын боловсролын системийн шинжлэх ухааны жишиг лаборатори болгох зорилготой байгуулжээ.

Олон улсын стандартад нийцсэн тоног төхөөрөмж бүхий багшийн мэргэжил дээшлүүлэх цогц лаборатори нь байгалийн ухааны хичээлийн хэрэглэгдэхүүнийг ашиглан туршилт хийх цахим танхим, бодис хадгалах өрөөнөөс бүрдэнэ.

Байгалийн ухааны олон зорилтот лабораторийн зураг төслийг "ТГТ" ХХК боловсруулж, засварын ажлыг "Хөлөг-Од" ХХК дөрвөн сарын хугацаанд гүйцэтгэсэн гэж БШУЯ-наас мэдээллээ. 


“Байгалийн ухааны олон зорилтот лаборатори"-ийн кабинетийг хүлээн авлаа   
Үзсэн: 307 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй