Шууд Chart

Дунд, ахлах ангийн сурагчдыг үдийн хоолтой болгох санаачилга гаргалаа

2024-02-23 10:17:35

Баянзүрх дүүрэг 2024 оныг "Хүүхдийн хөгжлийг дэмжих жил" болгон зарласан. Үүнтэй холбоотойгоор төрийн өмчийн Ерөнхий боловсролын зарим сургууль, цэцэрлэгүүдийн хоол үйлдвэрлэлтэй Засаг дарга Н.Баярмөнх, бусад удирдлагууд танилцлаа.
 
Ерөнхий боловсролын 102 дугаар сургуулийн хувьд 1660 сурагчтай. Байгуулагдаад 17 жил болж байна. Цайны газар нь ердөө дөрвөн ширээ, сандалтай бөгөөд сургуулийн бүх хүүхдэд хоолоор үйлчлэхийн тулд заавал өргөтгөх, орчноо сайжруулах шаардлагатай байна. Харин 132-р бага сургуулийн хувьд 356 сурагчтай. Олон улсын байгууллагын дэмжлэгтэйгээр цайны газраа шинэчилж, тохижуулжээ. 
 
Мөн хичээлийн шинэ жил эхлэх үеэр сурагч нэг бүрийг эрдсийн шинжилгээнд хамруулж, дутагдаж буй амин дэмийг хүүхдийн идэж байгаа хоолоор дамжуулан олгодог зөв жишгийг тогтоож чадсан байна.
 
Баянзүрх дүүргийн удирдлагын багийн зүгээс сургууль бүр дээр ялгаатай байгаа энэ байдлыг өөрчлөх, зөвхөн бага ангийн хүүхдэд үдийн цай олгодог биш дунд, ахлах ангийн хүүхэд бүрт үдийн хоол олгодог болох шаардлага байгааг энэ үеэр онцолж хэллээ.
 
Үүний дараа сургууль, цэцэрлэгийн захирал, эрхлэгчидтэй уулзаж, үдийн хоол хөтөлбөрт шилжихийн тулд тулгамдсан саад бэрхшээлийг хэрхэн хамтдаа шийдвэрлэх талаар солилцлоо.
 
Сургуулийн удирдлагуудын зүгээс цайны газрын хүний нөөц, орчныг тохижуулах, мөн хамгийн чухал нь хууль эрх зүйн орчныг өөрчилж, шинэчлэх ёстой талаар хэлсэн.
 
Баянзүрх дүүргийн удирдлагын багаас урсгал засвар, гадна, дотно тохижилтыг хийж өгнө. Харин хууль, эрх зүйн өөрчлөлтийг дээд шатны байгууллагуудад уламжилна гэдгээ мэдэгдлээ.
 
Үүнд багш, эцэг эхчүүдийн хамтын ажиллагаа чухал гэдгийг онцолсон юм гэж Баянзүрх дүүргээс мэдээллээ.
 

Дунд, ахлах ангийн сурагчдыг үдийн хоолтой болгох санаачилга гаргалаа  
Үзсэн: 1871 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Сүрэнхүү [127.0.0.xxx] 2024-02-23 14:24
Хоол өгөх нь сайн ч хоолны газраа тохижуулах, ажиллах хүний нөөцөө бүрдүүлэх, сургах, олигтой цалин, ахуй хангамжийг бий болгох хэрэгтэй шүү дээ.
Зочин [127.0.0.xxx] 2024-02-23 12:14
Demjij bn
zovhin [127.0.0.xxx] 2024-02-23 11:05
zov shuu udiin hool iddeg bolchuul huuhduud hamaagui bga yadarnaa hicheeldee ch itvehtei bh bolno
Зочин [127.0.0.xxx] 2024-02-23 10:39
Ёстой зөв санаа байна. Дэмжиж байна.

Бидэнтэй нэгдээрэй