Үндэсний телевиз
Цагийн хүрд
Найм арваннэг
ХЭҮК-ын дарга Д.Сүнжид, Комиссын гишүүн Ж.Хунан, Х.Мөнхзул нар Хүүхдийн төлөө үндэсний зөвлөлийн гишүүн Д.Ундраа Д.Мөнхтуяа, П.Цэвээн нартай уулзлаа.
ХЭҮК, ХНХЯ-тай хамтран 2023 онд хийсэн хүүхдийн эрхийн хууль, журам, стандартын хэрэгжилтийн нээлттэй хяналт шалгалтын үр дүн, түүний мөрөөр авч хэрэгжүүлэх шаардлагатай арга хэмжээ, төр, иргэний нийгмийн түншлэлийн хүрээ, хамтын ажиллагааны талаар санал солилцлоо.
Түүнчлэн шинэчлэн найруулсан Хүүхэд хамгааллын тухай хуулийн хэрэгжилтэд хяналт тавих, хүүхдийн хувийн мэдээллийг хамгаалах, бага насны хүүхдийг хүчингийн гэмт хэргээс урьдчилан сэргийлэх, бага насны хүүхдийн жирэмслэлт, үр хөндөлт зэрэг хүүхдийн эрхийн тулгамдаж буй асуудлаар хамтран ажиллахаар тохиролцов.
Хүний эрхийн Үндэсний Комисс Монгол Улс дахь хүний эрх, эрх чөлөөний байдлын талаарх 23 дахь илтгэлд хагас болон бүтэн өнчин, байнгын асаргаа шаардлагатай хүүхдийн эрхийн асуудлыг хөндөж тодорхой санал, зөвлөмжийг гаргахаар төлөвлөж байна гэж ХЭҮК-оос мэдээллээ.
| Хүүхдийн төлөө үндэсний зөвлөлийн гишүүдийг хүлээн авч уулзлаа | ||
| Үзсэн: 341 | Mongolian National Broadcaster |
Р.Слава
Шог зураач Л.Мөнхбат
О.Шинэтуяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.