Шууд Chart

Малын хорогдол улам нэмэгдэх төлөвтэй байна

2024-04-01 11:17:26

Өнгөрсөн зун нутгийн 40 гаруй хувьд зуншлага муутай байсан.

Мөн цасан бүрхүүл эрт тогтож, агаарын температурын хэлбэлзэл их. Эрт хүйтэрч, цасаар шуурсан зэрэг цаг агаарын нөхцөл байдлаас шалтгаалан манай орны ихэнх бүс нутагт өвөлжилт хүнд боллоо.

Бүс нутгийг төлөөлсөн мал аж ахуйн цаг уурын харуулуудын хэмжилтийн мэдээнээс харахад цасны нөлөөгөөр 2023 оны арваннэгдүгээр сарын сүүлч гэхэд малын амьдын жин эрчимтэй буурч эхэлсэн.

Энэ оны хоёрдугаар сарын сүүлчийн байдлаар ойт хээрийн бүсийн (Булган аймгийн Орхон сум) эм хонины амьдын жин дунджаар долоо, эм ямаа тав, үнээ 41 кг-аар буурчээ.

Тал хээрийн бүсийн (Төв аймгийн Баян-Өнжүүл сум) эм хонь дунджаар 16, эм ямаа 11, үнээ 79 кг-аар, говийн бүсийн (Дорноговь аймгийн Дэлгэрэх сум) эм ямаа дунджаар 21 кг-аар буурсан байна.

Малын тарга хүчний байдал хоёрдугаар сарын сүүлчээр ихэнх нутгаар олон жилийн дунджаас хэд дахин бага жинтэй болсон байна.

Түүнчлэн харуулуудын мэдээнээс харахад зудын нөхцөл байдал хүндэрч Дэлгэрэхийн ямааны суурийн нийт малын 50 хувь, Баян-Өнжүүлийн хонины суурийн 45 хувь хорогджээ.

Цаашид хаврын улиралд зудтай байсан нутгаар малын жин ихээр буурч, төллөх мал ядарч, улмаар малын хорогдол улам нэмэгдэхээр байна гэж ОБЕГ-аас мэдээллээ.


Малын хорогдол улам нэмэгдэх төлөвтэй байна   
Үзсэн: 2466 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
ЗОЧИН [127.0.0.xxx] 2024-04-03 00:11
30 САЯ МАЛ ХОРОГДВОЛ САЙНСАН. ДАРАА НЬ ҮЛДСЭН ТОЛГОЙ МАЛАА ЧАНАРЖУУЛЖ, ТЭР ТООНД НЬ БАРИВАЛ, БЭЛЧЭЭР СЭРГЭХ МАГАДЛАЛТАЙ.
Зочин [127.0.0.xxx] 2024-04-04 06:33
Яааг үнэн маш зөв хариулт Соц үед 25.хан сая болоод л байсан юм мах хямд байлаа болооч үгүй орос руу экспорт шаадаг байлаа бэлчээр хүрэлцээтэй байлаа 20-30.н сая чадрах зүгээр ээ
Зочин [127.0.0.xxx] 2024-04-03 05:14
Чам шиг эргүү дагз ховор байх аа

Бидэнтэй нэгдээрэй