Шууд Chart

Хөнгөн үйлдвэрийн салбарын 1000 оюутан чуулав

2024-04-12 09:36:58

Хөнгөн аж үйлдвэрийн салбар үүсэж, хөгжсөний 90 жилийн ойг тохиолдуулан баялаг бүтээгч салбарыг залуучууд, нийгэмд сурталчлан таниулах, их дээд сургууль, МСҮТ төгсөгчдийг ажлын байранд зуучлан, ерөнхий боловсролын сургууль төгсөгчдөд мэргэжлийн чиг баримжаа олгож салбарын Зохистой хөдөлмөр эрхлэлтийг дэмжих зорилготой “Залууст ээлтэй аж үйлдвэрийн хувьсал” өдөрлөг зохион байгуулагдлаа.

Хөнгөн аж үйлдвэрийн салбарыг залуучууд, олон нийтэд сурталчлан таниулах, хөнгөн аж үйлдвэрийн салбарт жижиг, дунд үйлдвэрлэл эрхлэх хүсэлтэй залуучуудад арга зүйн дэмжлэг үзүүлэх, залууст ээлтэй эерэг байгууллагын соёл, сайн туршлагыг түгээн дэлгэрүүлэх, ажлын байранд зуучлах, ахлах ангийн сурагчдад мэргэжил сонголтод дэмжлэг үзүүлэх, мэргэжил сургалтын байгууллагууд болон тэтгэлэгт хөтөлбөрүүдэд зуучилдаг тус өдөрлөгийг  Хүнс, хөдөө аж ахуй, хөнгөн үйлдвэрийн яам, Хөдөлмөр, нийгмийн хамгааллын яам, Монголын хөнгөн үйлдвэрийн ажилтны ҮЭ-ийн холбоо 2 дахь жилдээ зохион байгуулсан юм. Хөнгөн үйлдвэрийн салбарт суралцаж буй болон сонирхогч 1000 оюутан залууст мэргэжлийн холбоод, салбартаа амжилтаараа алдаршсан эрхмүүд туршлагаасаа хуваалцан илтгэл тавьж, Ажлын байрны бэлтгэл,  Залууст ээлтэй аж үйлдвэрийн хувьсал сэдвийн хүрээнд хэлэлцүүлэг өрнүүлсэн юм.

Тус өдөрлөгийг

  • Монголын ажил олгогч эздийн нэгдсэн холбоо
  • Монголын үйлдвэрчний эвлэлийн холбоо
  • Оёдлын салбарын нэгдсэн мэргэжлийн холбоо
  • Монголын ноос ноолуурын холбоо
  • Монголын арьс ширний үйлдвэрлэлийн холбоо
  • Ноосон бүтээгдэхүүн үйлдвэрлэгчдийн холбоо
  • Монголын хэвлэлийн үйлдвэрүүд, хэвлэн нийтлэгчдийн холбоо
  • “Монголын ойчид” модны үйлдвэрлэл эрхлэгчдийн холбоо
  • “Монгол гэр” гэр үйлдвэрлэгчдийн холбоо
  • Монголын сав баглаа боодол үйлдвэрлэгчдийн нэгдсэн холбоо
  • Гоо сайхны кластер
  • Монголын хог хаягдлыг дахин боловсруулах үндэсний холбоо хамтран зохион байгууллаа гэж ХХААХҮЯ-наас мэдээллээ. 

Хөнгөн үйлдвэрийн салбарын 1000 оюутан чуулав  
Үзсэн: 657 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй