Шууд Chart

Галт тэрэгний хөдөлгөөн зохицуулалтын нэгдсэн төвийн шинэ барилга 2025 онд ашиглалтад орно

2024-04-12 16:25:22

БНСУ-ын Олон улсын хамтын ажиллагааны байгууллага Койкагийн 100 хувийн буцалтгүй тусламжаар баригдах Галт тэрэгний хөдөлгөөн зохицуулалтын нэгдсэн төвийн шинэ барилгын шавыг өнөөдөр тавьж, ажлаа эхлүүллээ.

Зам, тээврийн хөгжлийн яамнаас 2024 оныг "Бүсчилсэн хөгжлийг дэмжих бүтээн байгуулалтын жил" болгох зорилт дэвшүүлж, бүс нутгийн хөгжлийг дэмжихэд чиглэсэн тээвэр, логистикийн дэд бүтцийн бүтээн байгуулалтын ажлыг эрчимжүүлж, бүх төрлийн тээврийн ачаа, зорчигч тээвэрлэлтийг нэмэгдүүлж, үйлчилгээний чанар, аюулгүй байдлыг сайжруулах чиглэлийг баримтлан ажиллаж байна.

14 сая.долларын буцалтгүй тусламжаар баригдах тус барилга ашиглалтад орсноор албан хаагчдын ажиллах орчин нөхцөл сайжирч, ажлын бүтээмж нэмэгдэн, орчин үеийн дэвшилтэт технологи, системийг ашиглан төмөр замын суурь бүтцүүдийн галт тэрэгний хөдөлгөөний удирдлагаар хангаж, зохицуулалт хийх боломж бүрдэх юм.

Мөн нэгдсэн зурмагийн гүйцэтгэл сайжран, төмөр замын сүлжээний тээх, нэвтрүүлэх чадвар, хөдлөх бүрэлдэхүүнийг бүрэн ашиглах боломжтой болно.

Барилгын зураг төслийг “MSL” ХХК, гүйцэтгэгчээр “Мандалтконстракшн” ХХК шалгарсан байна.

Нийт таван таван давхар оффис, хяналт, удирдлагын өрөөнүүд байхаар төлөвлөгдсөн төдийгүй 2025 оны 11 дүгээр сард барилгын ажил дуусна гэж Зам, тээврийн хөгжлийн яамнаас мэдээллээ. 


Галт тэрэгний хөдөлгөөн зохицуулалтын нэгдсэн төвийн шинэ барилга 2025 онд ашиглалтад орно  
Үзсэн: 727 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй