2024 оны 09 дүгээр сарын 30-наас 10 дугаар сарын 09-нийг хүртэлх

цаг агаарын урьдчилсан төлөв

Хур тунадас: Есдүгээр сарын 30-нд төв болон говийн аймгуудын нутгийн зарим газраар, аравдугаар сарын 3-нд Алтайн, Хангай, Хөвсгөл, Хэнтийн уулархаг нутгаар, 04-нд баруун болон төвийн аймгуудын нутгийн зарим газраар, 05-нд баруун аймгуудын нутгийн зүүн хэсэг, төв, говь, зүүн аймгуудын нутгийн зарим газраар, 06-нд нутгийн зүүн хэсгээр хур тунадас орно.

Салхи: Ихэнх хугацаанд ихэнх нутгаар секундэд 6-11 метр, 03-нд Алтайн салбар уулсаар, 04-нд нутгийн зарим газраар секундэд 16-18 метр хүрч ширүүснэ.

Агаарын температур: Хугацааны эхэн болон сүүлчээр өдөртөө бага зэрэг дулаарч Дархадын хотгор, Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө 3-8 хэм хүйтэн, өдөртөө 1-6 хэм дулаан, Эг, Үүр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө 0-5 хэм хүйтэн, өдөртөө 4-9 хэм дулаан, Их нууруудын хотгор, говийн бүс нутгийн өмнөд хэсгээр шөнөдөө 4-9 хэм, өдөртөө 13-18 хэм дулаан, бусад нутгаар шөнөдөө 1 хэмийн хүйтнээс 4 хэм дулаан, өдөртөө 8-13 хэм дулаан байна. Аравдугаар сарын 5, 6-нд ихэнх нутгаар хүйтэрнэ.

Улаанбаатар хот орчмын 10 хоногийн цаг агаарын урьдчилсан төлөв

Хур тунадас: Есдүгээр сарын 30-нд ялимгүй хур тунадас, 10 дугаар сарын 5-нд хур тунадас орно.

Салхи: Ихэнх хугацаанд секундэд 5-10 метр. 4-5-нд баруун өмнөөс хойш эргэж секундэд 12-14 метр хүрч ширүүснэ.

Агаарын температур: Хугацааны эхэн болон сүүлчээр өдөртөө бага зэрэг дулаарч шөнөдөө 1-6 хэм, өдөртөө 8-13 хэм дулаан байна. Аравдугаар сарын 5, 6-нд хүйтэрч шөнөдөө 0-5 хэм хүйтэн, өдөртөө 0-5 хэм дулаан байна.