“Инженер, технологийн дээд боловсрол” төслийн хүрээнд Хөдөө Аж Ахуйн Их сургуульд орчин үеийн CNC технологитой “Хөдөө аж ахуйн машины эд анги үйлдвэрлэл, засварын лаборатори”-ийн тоног төхөөрөмжийг хүлээлгэн өглөө.

Нээлтэд УИХ-ын гишүүн Ж.Золжаргал, Боловсролын яамны ТНБД Х.Батжаргал болон ЖАЙКА-ийн төлөөлөгчид, ХААИС-ийн удирдлагууд, инженер технологийн салбарын компаниуд оролцов.

Шинэ лаборатори нь ХААИС-ийн Инженер, технологийн сургалтын материаллаг баазыг сайжруулж, ХАА-н машин, тоног төхөөрөмжийн эд анги боловсруулах, туршилтын загвар гаргах боломжтой CNC технологи бүхий  токарь, фрезер, плазм зүсэгч зэрэг тоног төхөөрөмжтэй болсноор:

• Оюутнууд CAD–CAM–CNC уялдаа бүхий сургалтын орчинд ажиллаж практик ур чадвар эзэмших,

• Эд анги, тоног төхөөрөмжийн туршилтын загвар болон импортыг орлох бүтээгдэхүүн үйлдвэрлэх,

• Сургалт-үйлдвэрлэлийн интерншип тогтолцоо бий болгох,

• Багш, судлаачдын инновацын ажил, өндөр нарийвчлалтай судалгааг дэмжих зэрэг боломжууд бүрдэж байгаа юм гэж Боловсролын яамнаас мэдээллээ.