Тиймээ, тэгэлгүй яахав. Барилга угсралт болон замын бүтээн байгуулалтын ажил эрчимтэй явагдаж байна. Тэр ч утгаараа Барилга угсралтын компаниудад барилгын чиглэлийн мэргэжилтэй ажиллах хүчин ихээр шаардагдаж байна. Мөн замын бүтээн байгуулалтын ажил дээр замын туслах ажилтан маш ихээр эрэлт хэрэгцээтэй байгаа, энэхүү эрэлт хэрэгцээг тасалдуулчихгүй шиг тал дээр Нийслэлийн удирдлагуудын зүгээс ихээр анхаарал хандуулан, хүч тавин ажиллаж байна.

 

 

Нийслэлээс нийгмийн хамгааллын чиглэлээр хэд хэдэн томоохон ажлуудыг төлөвлөж, зарим нэг ажлыг нь эхлүүлээд явж байна. Сүүлд гэхэд өөрийн чинь хэлээд байгаа төрийн өмчит үйлдвэрийн газар нэгээр нэмэгдсэн нь үнэн. Цаг үеийн шаардлагаар, нийгмийн захиалгаар зайлшгүй хийгдэх ёстой нэг ажил бидний өмнө шийдлээ хүлээж байсан ч, өнөөдөр шийдэгдэж чадлаа. Энэ бол ахмадын орон сууцны хороолол барих асуудал юм. Манай ахмад, буурлууд маань хэзээ ч төрийн хайр, халамжийн гадна байх ёсгүй хүмүүс шүү дээ. Тэд улс орныхоо хөгжил цэцэглэлтэнд өөрсдийн гал халуун залуу насаа хоёргүй сэтгэлээр зориулсан гавьяатай хүндтэй ахмадууд юм. Тиймээс төрөөс тэдэнд зориулан ахмадын түрээсийн орон сууцыг барьж өгөхөөр боллоо. Үүнийг хариуцан ажиллах нийслэлийн өмчит үйлдвэрийн газрыг нь ч байгуулчихлаа.

 

 

Бид эхнийн ээлжинд 300 ахмадын орон сууц барихаар зорьж ажиллаж байна. Ахмадууд маань багахан хэмжээний түрээсээр энэхүү баринд амьдрах бололцоотой юм. Цаашдаа “Ахмадын орон сууц” хөтөлбөрийн хүрээнд 4000 орон сууц барихаар төлөвлөн ажиллаж байна. Тиймээс ахмад, буурлууд маань заавал байр худалдаж авахгүйгээр төрийн байранд тодорхой хямд түрээсээр, тодорхой нөхцөл шаардлагын дагуу амьдраад байж болох ийм таатай боломж нээгдэж байна.

 

 

 

Яахав дээ Нийслэлийн маань чадал чадамж нь өнөөдөр зорилтод бүлэг болох ахмадууд даа тусгайлан зориулаад 4000 ахмадын орон сууц барих бололцоотой байна гэж үзсэн нь энэ юм. Энэ хэмжээний тоо эхнийн ээлжинд бол хангалттай байж чадах байх гэж бид харж байгаа.

 

 

Ахмадын орон сууцыг хариуцсан нийслэлийн өмчит үйлдвэрийн газар байгуулагдсан учраас энэхүү байгууллага нь судалгаа, зураг төслийн ажилдаа шуурхай орж байгаа. Мөн энэ ажлын хүрээнд ойрын хугацаанд 300 ахмадын орон сууцны ажлыг эхлүүлнэ. Тэгээд 3-4 жилийн хугацаанд ахмадын 4000 орон сууцыг эрчимтэйхэн барьж ашиглалтанд оруулна гэж бид зорьж ажиллаж байна.