“Шинжлэх ухааны ирээдүй” музейг үзжээ

Шуурхай:

“Шинжлэх ухааны ирээдүй” музейг үзжээ

2015-02-26 16:21:23

УИХ-ын дарга З.Энхболд өнөөдөр айлчлалын хүрээнд Японы Шинжлэх ухааны ордонд зочлон, “Шинжлэх ухааны ирээдүй” музейг үзэж сонирхов. “Шинжлэх ухааны ирээдүй” музей 1998 онд Токио хотын дэргэдэх “Одайба” хиймэл арал дээр1995 оны 11-р сард батлагдсан “Шинжлэх ухаан, технологийн суурь хууль” 1996 оны 6-р сард батлагдсан “Шинжлэх ухаан, технологийг хөгжүүлэх үндсэн чиглэл”-ийн дагуу “Олон улсын шинжлэх ухаан, эрдэм шинжилгээний тосгон” хэмээх нэртэй шинжлэх ухаан, эрдэм шинжилгээний цогцолбор хотхонбайгуулагдсан. 2000 онд уг хотхонд нийтэд зориулсан музейбайгуулах шийдвэр гарсаны дагуу “Шинжлэх ухааны ирээдүй” буюу японоор “Кагаку Мирай Кан” англиар The National Museum of Emerging Science and Innovation хэмээх нэр бүхий музей 2001 оны 3-р сард байгуулагдан ашиглалтад орсон байна.

Энэхүү музей нь дэлхийн шинжлэх ухаан, технологийн гол гол нээлтүүд, ирээдүйн дүр зураг, төсөөллийг харуулсан сэдэвчилсэн үзмэрүүдтэй бөгөөд музей тайлбарлагч болох эрдэм шинжилгээний залуу ажилтнууд үзмэрийг үзэгчдэд тайлбарлах, тэдэнтэй хамт туршилт хийх, тоглож наадах зэргээр үзэгчдэд шинжлэх ухаан, технологийг илүү ойлгомжтой, хялбаршуулсан аргаар тайлбарлаж ойлгуулах, биеэр нь мэдрэх боломж олгодог. Мөн монголын ажилтнуудыг энэхүү музей авч ажиллуулах боломж бий болохыг УИХ-ын даргад хэлж байв.

Дэлхий үүсэл хөгжил болон манай дэлхий 50 мянган километрийн зайнаас хэрхэн харагддагийг энэхүү үзэсгэлэнгээс үзэж сонирхож болох аж. Мөн Японы анхны сансрын нисгэгч Dr. Мамору Мори өөрийн нисч байсан сансрын хөлгийг үзүүлсэний зэрэгцээ тухайн хөлгийг ирж үзэж сонирхон гарын үсэг зурж байсан Монгол Улсын сансрын нисгэгч Ж.Гүррагчаагийн гарын үсгийг УИХ-ын дарга болон дагалдан яваа төлөөлөгчдөд танилцуулав. Мөн “Шинжлэх ухааны ирээдүй” музей нь Японы эрдэмтдийн олон жилийн хөдөлмөрөөр гаргаж авсан зарим туршилтыг ашиглах эсэх талаар иргэдээс санал асуулга явуулж, хэлэлцүүлэг өрнүүлдэг байна. Хамгийн сүүлийн жишээ бол хүний арьсны эд эсийн тусламжтайгаар хиймэл эрхтэн ургуулах туршилтын талаар санал асуулга явуулж байгаагаа танилцууллаа.

Дэлхий ертөнцийн гарал үүслээс авахуулаад, эд эс, сансар огторгуй, газарзүй, физик, хими, робот гээд бүхий л салбарыг хамарсан энэхүү сонирхолтой үзэсгэлэнг АНУ-ын Ерөнхийлөгч Б.Обама гэх мэтчилэн Япон Улсад өндөр дээд хэмжээний айлчлал хийсэн дэлхийн төр, засгийн тэргүүн, олон улс төрчид үзэж сонирхдог ажээ.

	“Шинжлэх ухааны ирээдүй” музейг үзжээ
Үзсэн: 1162	Mongolian National Broadcaster

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.