Үндэсний телевиз
Цагийн хүрд
Найм арваннэг
Шадар сайд Ц.Оюунбаатар өнөөдөр ХӨСҮТ-д ажиллаж, сүүлийн үед хурдтайгаар дэгдэж байгаа улаанбурхан өвчний талаарх мэдээллийг эмч, мэргэжилтнүүдээс авлаа. Үзлэгт хамрагдаж байгаа хүний тоо хоногтоо 400 орчимд хүрч байна. Харин энэ өвчнөөр өвчилсөн, гэрийн нөхцөлд эмчлэх боломжгүй хүнд өвчтөнүүдийн тоо 600 гаруй болжээ.
Халдварын дэгдэлтийг одоо бууруулах ганц арга зам бол вакцинжуулалт. Тийм ч учраас нэмэлт вакцин хийх зардлыг Засгийн газрын нөөц хөрөнгөөс шийдвэрлэж өгсөн. Өнөөдрийн байдлаар нэмэлт вакцины захиалга хийгдсэн. 948 сая төгрөгийн 350 гаруйгаар нь шаардлагатай тоног төхөөрөмж, үлдсэнээр нь вакцинаа захиалжээ. Нэмэлт вакциныг тавдугаар сараас хийх юм байна.
Вакцин хийлгэх нь өвчнөөс хамгаалах, дэгдэлтийг бууруулах арга. Тиймээс нэмэлт вакцинжуулалтад идэвхтэй хамрагдахыг уриалж байна. Ялангуяа 18-30 насныхан нэмэлт вакцинжуулалтад заавал хамрагдах шаардлагатай гэдгийг Шадар сайд ХӨСҮТ-д ажиллах үеэрээ дахин санууллаа. Энэ талаарх дэлгэрэнгүй мэдээллийг "Монголын мэдээ" сувгийн мэдээллийн хөтөлбөрөөс үзээрэй.
| ХӨСҮТ-д улаанбурханаар өвчилсөн 600 гаруй хүн эмчлүүлж байна | ||
| Үзсэн: 581 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.