Үндэсний телевиз
Цагийн хүрд
Найм арваннэг
Өнгөрсөн 7 хоногийн Пүрэв гарагийн орой Монголын Үндэсний Музей (МҮМ) усанд автжээ. Хоёр давхарын захиргааны өрөөний халаалтын шугам хагарч ус алдан зоорийн давхарт орших Монгол улсын ховор, гайхамшигтай эд өлгийн зүйлс хадгалагддаг сан хөмрөгийн өрөө усанд автах аюул нүүрлэжээ.
Энэ үер Монголын Үндэсний Музейн удирдлага гамшиг ослын үер ажиллах ямар ч анхан шатны мэдэгдэхүүн үгүй хэдэн хүнийг дуудан ажиллуулсан байна.
Тус музей нь ганц сантехникчтэй хэдий ч тэрбээр ажил үүргээ хэвийн гүйцэтгэн ажлын цагаа дуусгаад гэрлүүгээ явсан байж.
Харин шөнө нь тус музейд төвлөрдөг халаалтын бойлуураас дулаанаа авдаг ойр хавийн аж ахуйн нэгж, байгууллагуудын дулааны даралтын хэмжүүр унаад байгааг ажигласан дэргэдэх байгууллагын ээлжийн жижүүрээр гарч байсан сантехникч нь байдлыг нягтлан шалгахаар Монголын Үндэсний Музейд ирж ус алдсаныг анх мэдэж жижүүрт нь хэлснээр энэхүү аюулыг илрүүлсэн байна. Үүсээд байгаа нөхцөл байдлыг харсан гадны байгууллагын сантехникч бусдыг хүлээж цаг алдалгүй төвийн шугамаас ирдэг халаалт дулааны хаалтыг хааснаар аюулыг газар авахуулалгүй зогсоожээ.
Монгол Улсын соёлын өвийг хадгалж хамгаалж олонд таниулдаг улсын онцгой обьектын аюулгүй байдлыг хэрхэн хангаж байгаа талаар музейн дэд захирал н.Жаргалаас тодруулга авахаар уулзсан боловч, тоймтой хариулт хэлэлгүй, асуудлыг үүрэг гүйцэтгэгч захирал Д.Сүхбаатар луу түлхсэн юм.
Монголын Үндэсний Музей нь 1970 оноос хойш дулааны шугам сүлжээгээ шинэчлээгүй, олигтойхон урсгал засвар хийгээгүй олон жил болжээ. Тэгээд энэ оны 9 сард ССАЖЯамнаас зарласан 100 сая төгрөгийн сантехникийн ажил гүйцэтгэх тендерт ажлын туршлагаар маруухан Хөвсгөл аймагт бүртгэлтэй байж магадгүй “Уул Өвгөд” компани ялж бүх шугамыг нь сольсон аж.
Тус компани ажлын гүйцэтгэлээ нэг сарын хугацаанд хийж дуусгаснаар Монголын Үндэсний Музей 10 дугаар сарын 10-наас эхлэн халаалтаа авсан байна. Гэвч халаалт ирсэн анхны өдөр л шалгалтаа өгч чанар муутай хятад радиатор мөн сэтгэлгүй хийгдсэн ажлын үр дүнд дээд давхарын халаалтын шугамнууд ээлж дараалан хагарч өндөр даралтаар ирсэн халуун усыг даалгүй бүх хэсгээрээ задарсан нь энэ ажээ...
Монголын соёлын үнэт өвийг хадгалж байгаа энэхүү байгууллагын шинэхэн дарга ноён Д.Сүхбаатар дээрх байдлыг Рашаан хадыг ЮНЕСКО-гийн өв соёлын санд бүртгүүлэхээр замд гарсан байна. Бид ямар хүнд Өвөг дээдсийн өв соёл, уламжлалаа хамгаалуулах эрхэм үүргийг өгчихсөн юм бэ? эрхэм хатагтай Ц.Оюунгэрэлээ хэмээн асуумаар санагдлаа.
Өнөөдрийн байдлаар Монголын Үндэсний Музейд хэд хичнээн төгрөгийн хохирол гараад байгаа нь тодорхойгүй бөгөөд дээрхи чанар муутай ажлын хариуцлагыг чухам хэн хүлээх вэ? гэдэг асуулт эзэнгүй үлдээд байна, эсвэл тендер шалгаруулсан яам хүлээх үү!
Мөн халаалт, дулааны шугамыг шинэчлэн хийж гүйцэтгэсэн гэх тус компанийг ССАЖ-ийн сайд Ц.Оюунгэрэлийн нутгийнх нь танил компани гэх албан бус яриа ч сонсогдлоо.
| Үндэсний музейд хичнээн төгрөгний хохирол учирсан нь тодорхойгүй байна | ||
| Үзсэн: 5785 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.