Өргөст хэмх нь тарьж ургуулахад янз бүрийн нэмэлт бордоо шаардагдахгүй, хүнсэнд шууд хэрэглэх боломжтой маш амар хүнсний ногоо юм. Түүний ач тусыг тоочоод барамгүй. Ингээд уншигч танд дараах зөвлөгөөг хүргэе.

-Хэрэв та өдрийн турш ус хангалттай ууж амжаагүй бол өргөст хэмх идээрэй. Өргөст хэмхний 90 хувь нь ус байдаг учраас таны алдсан усыг нөхөж, биеийг тань чийгшүүлнэ.

-Хүний биед тустай витаминууд өргөст хэмхэнд агуулагддагийг та мэдэх үү. Түүнд А, В, С витамин агуулагддаг учир өдөр тутам хүнсэндээ хэрэглэж заншвал сайн.

-Ус ихтэй, бага калоритой учир жингээ хасах гэж байгаа хүмүүст санал болгох хамгийн чухал хүнс бол өргөст хэмх юм.

-Хэрэв та өргөст хэмх идэх тийм ч дуртай биш бол тослог багатай тарагтай хольж идэхийг зөвлөе. Өргөст хэмх хоол боловсруулалтад сайнаар нөлөөлдөг.

-Өргөст хэмх нүд сэргээдэг. Хүйтэн өргөст хэмхийг хэрчээд нүдэн дээрээ тавихад хавдрыг буулгахаас гадна нүд онгойх мэт мэдрэмж төрүүлнэ.

-Амны эвгүй үнэрийг өргөст хэмхний шүүс дарж, сэрүүн цэнгэг мэдрэмж төрүүлнэ.

-Өргөст хэмх нь шээсэн дэх хүчлийн хэмжээг бууруулдаг учир бөөрийг эрүүл байлгахад тустай.