БЗД-ийн Засаг даргын Тамгын газрын Хүнс, худалдаа үйлчилгээний хэлтсээс  дүүргийн хэмжээнд үйл ажиллагаа явуулж буй согтууруулах ундаа худалдах, түүгээр үйлчлэх тусгай зөвшөөрөлтэй худалдаа, хоол үйлдвэрлэл, үйлчилгээний газруудад стандартын шаардлагыг хангуулах, үйлчилгээний чанарыг сайжруулах зорилготой аттестатчиллын шалгалтыг зохион байгуулж байна. Уг шалгалтыг 5 дугаар сарын 10-ны өдрийг хүртэл холбогдох хууль тогтоомжийн дагуу хийх юм.

Түүнчлэн тус хэлтсийн дарга С.Жавхлан дүүргийн 8 дугаар хорооны нутаг дэвсгэрт байрлах "Ботаникийн эцсийн буудал"-ын орчимд үйл ажиллагаа явуулдаг 12 аж ахуй нэгж байгууллага  иргэдтэй уулзав. Уулзалтаар гадна талбайн тохижилт, хаяг фасадны өнгөлгөө, хаягжуулалтын талаар заавар зөвлөгөө өгч, хотын өнгө үзэмжид анхаарч ажиллахыг уриалсан байна.