Хөрс голдоггүй, хүйтэнд тэсвэртэй, богино хугацаанд ургадаг ногоог хэрхэн тариалах тухай мэдээг хүргэе. 10-12 хэмийн хүйтнийг тэсвэрлэх чадалтай, гэрэлд дуртай нэг төрлийн ногоо бол улаан лууван юм. Энэ ногоонд амин дэм ихээр хуримтлагддаг учир сувиллын ногоо гэж нэрлэх нь бий. Түүхийгээр нь ч хүнсэнд хэрэглэж болдог энэ ногоо 10-12 хэмд илүүтэй ургадаг байна. 

Тиймээс дөрөвдүгээр сар гармагц лууван тарьж болно. Ногоо бүрэн боловсроход 30-40 хоног шаардагддаг учир ургацаа хэд хэдэн удаа хурааж авах боломж бий юм. Лууванг тариалахдаа эгнээ хооронд 15-20 см, харин 2-2.5 см-ийн гүнд тарина.  

Ингэж тарьсан нөхцөлд 3-5 хоногт жигд соёлдог байна. Ургалтын хугацаанд гурван удаа л услах ёстой байдаг аж. Өөрөөр хэлбэл, 10 хоногт нэг удаа услах ёстой. Харин ургацаа хураахгүй оройтуулж болохгүй. Хэрэв оройтвол дундаа хөндий болж, хорхой шавьж үүрлэх нөхцөл үүснэ.