Зүүн бүсийн эрчим хүчний гол үүсвэр байрладаг Дорнод аймагт сүүлийн жилүүдэд уул уурхайн үйлдвэрлэл нэмэгдсэнтэй холбогдуулан Монгол Улсын Засгийн газраас Дорнодын ДЦС-ыг 100 мегаватт-аар өргөтгөх шийдвэр гаргасан. ДЦС-ын өргөтгөлийг  холбогдох хууль тогтоомжийн дагуу концессоор шууд гэрээ хийж барьж байгуулахыг энэ тогтоолд мөн дурдсан байна. Иймд энэ оны гуравдугаар сарын нэгэн гэхэд концессийн гэрээг байгуулсан байх талаар салбарын сайд тус аймагт хийсэн ажлын айлчлалын үеэрээ сануулжээ.