Үндэсний телевиз
Цагийн хүрд
Найм арваннэг
Монгол Улсын заан Д.Долгорсүрэнгийн ууган хүү Д.Сугаррагчаагийн хүү, мэргэжлийн сүмогийн их аварга Асашёорюү Д.Дагвадоржийн дүү Хоошёорюү С.Бямбасүрэн ирэх арваннэгдүгээр сарын тэмцээнд жюүрёод дэвшин барилдана.
Сүмо бөхийн холбооноос өчигдөр Кюүшюү башёгийн банцүкэг хэлэлцэн, Хоошёорюү, Садогатакэ дэвжээний Кототэбакари хоёрыг жюүрёо зиндаанд дэвших болсныг зарлалаа. Кототэбакари сэкитори болсноор нэрээ Котошёохо болгон өөрчилсөн байна.
Ирэх сарын банцүкэ гарах болоогүй ч шинэ цолтнуудыг урьдчилан зарладаг нь гоёлын маваши өмсгөл зэрэг олон бэлтгэл ажил байдагтай холбоотой. Хоошёорюү мэргэжлийн сүмод хамт орсон их аварга Тайхогийн ач хүү Наягаас түрүүлэн, цолонд хүрч байгаа юм. Тэрбээр Монголын 35 дахь сэкитори болж байна.
Гэхдээ тэрбээр алдарт ах Асашёорюүгээс нэг башё хоцорч, цолонд хүрж байгаа юм.
| Хоошёорюү Монголын 35 дахь сэкитори болж байна | ||
| Үзсэн: 862 | Mongolian National Broadcaster |
У.Баярсайхан
Л.Мөнхтөр
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.