Монгол Улс, БНХАУ-ын хооронд дипломат харилцаа тогтоосны түүхт 70 жилийн ой энэ жил тохиож байгаа. Монгол Улс, БНХАУ-тай дипломат харилцаа тогтоосны 70 жилийн ойг тэмдэглэх тухай төлөвлөгөөнд энэ оны дөрөвдүгээр сард гарын үсэг зурсан билээ. Дээрх түүхт 70 жилийн ойд зориулан Монголын үндэсний олон нийтийн радио, телевиз, БНХАУ-ын ӨМӨЗО-ны “Одон” телевизээс зохион байгуулсан “Найрамдал 70” хүндэтгэлийн тоглолт өчигдөр Корпорэйт конвеншн центрт боллоо.

“Найрамдал 70” хүндэтгэлийн тоглолтод Монголын талаас Морин хуурын чуулга, “Хурд”, “Ub drums” хамтлаг, ардын жүжигчин А.Долгор, гавьяат жүжигчин Б.Сарантуяа, соёлын тэргүүний ажилтан, поп дива С.Наран, дуучин Д.Отгонжаргал, Д.Уламбаяр(Ука) болон “Aim4R” продакшн зэрэг уран бүтээлч ая дуугаа өргөж, үзүүлбэрээ хүргэсэн. Харин БНХАУ-ын талаас Өвөр Монголын алдарт морин хуурч Чи булаг болон “Top line” хамтлаг тэргүүтэй дуучид, бүжигчид оролцсон юм.

Эрхэм уншигч, үзэгч та бүхэн Монгол Улс, БНХАУ-ын хооронд дипломат харилцаа тогтоосны түүхт 70 жилийн ойд зориусан “Найрамдал 70” хүндэтгэлийн тоглолтыг энэ сарын 16-ны 21:10 цагт МҮОНТ-ээр хүлээн авч үзээрэй. Үүнээс гадна энэ өдөр БНХАУ-ын ӨМӨЗО-ны “Одон” телевиз ч мөн адил үзэгчиддээ хүргэнэ.