Үндэсний телевиз
Цагийн хүрд
Найм арваннэг
Эрчим хүчний сайд М.Сономпил тэргүүтэй төлөөлөгчид өнгөрсөн баасан гарагт АНУ-ын Калифорни мужид айлчилжээ.
Айлчлалын хүрээнд төлөөлөгчид тус мужийн Эрчим хүчний комисст зочлон сэргээгдэх эрчим хүчний талаар дугуй ширээний уулзалт хийж, Монгол Улс, Калифорни мужийн эрчим хүчний салбарын өнөөгийн байдал, сэргээгдэх эрчим хүчний бодлого, хэрэгжүүлж буй төсөл, хөтөлбөрүүдийн талаар мэдээлэл солилцож, хамтын ажиллагааны боломжийн талаар ярилцсан байна.
Түүнчлэн манай төлөөлөгчид эрчим хүч нийлүүлэгч нийтийн үйлчилгээний “Пасифик газ, электрик” (Pacific Gas and Electric), сэргээгдэх эрчим хүчний салбарт тэргүүлэгч “Брайт Соурс Энержи” (Bright Source Energy) компаниудын үйл ажиллагаатай танилцжээ.
Калифорни байгаль орчинд ээлтэй эрчим хүчний эх үүсвэр хөгжүүлэх, сэргээгдэх эрчим хүч ашиглах, шинэ технологи нэвтрүүлэх чиглэлээр улсдаа тэргүүлдэг муж бөгөөд одоогийн байдлаар тус муж нь эрчим хүчний хэрэглээнийхээ 22 хувийг сэргээгдэх эрчим хүчний эх үүсвэрээс үйлдвэрлэж байгаа бөгөөд 2020 он гэхэд нийт эрчим хүчний хэрэглээнийхээ 33 хувийг сэргээгдэх эрчим хүчний эх үүсвэрээр хангах зорилт тавьж буй. Энэ зорилтодоо хүрэх бүрэн боломжтой байгаа ажээ.
| М.Сономпил АНУ-ын сэргээгдэх эрчим хүчний туршлагаас судлажээ | ||
| Үзсэн: 720 | Mongolian National Broadcaster |
Шог зураач Л.Мөнхбат
А.Ариунзаяа
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.