Шууд Chart

Үндэсний сурын отго харваа болно

2020-10-07 15:41:28

Үндэсний харвааны “Петровис” багийн отго харваа энэ сарын 10-11-нд Улаанбаатар хотын Үндэсний сур харвааны талбайд болох гэж байна.

Уг тэмцээний зорилго нь Монголын үндэсний сур харвааг хөгжүүлэх үйлсэд оруулсан хувь нэмрээ төрдөө үнэлүүлж, Монгол Улсын соёлын гавьяат зүтгэлтэн С.Батхуяг, гавьяат дасгалжуулагч Б.Өлзийдэлгэр, хөдөлмөрийн гавьяаны улаан тугийн одонт Б.Хүрэлбаатар нарын алдрыг тэмдэглэх, уг спортын өв соёл, уламжлалыг сурталчлахад оршиж байна.

Бүртгэл энэ сарын 7-9-ны хооронд явагдах бөгөөд харваачид тэмцээнд оролцохдоо үндэсний иж бүрэн хувцастай байх, эвэр элэгтэй, шөрмөсөн артай нум болон сургалтын нумаар харваж болох гэнэ.

Тэргүүн байр эзэлсэн эрэгтэй, эмэгтэй харваачид цом, өргөмжлөл, медаль, мөнгөн шагнал дагалдах бол 2-5 байрт шалгарсан харваач өргөмжлөл, медаль, мөнгөн шагналаар урамшуулах юм байна.

Нийтэлсэн: У.Баярсайхан

Үндэсний сурын отго харваа болно  
Үзсэн: 1455 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй