Шууд Chart

Алба хаагчдад сургалт зохион байгуулав

2021-07-23 09:28:05

Сэлэнгэ аймгийн Онцгой байдлын газраас алба хаагчдын мэргэжлийн ур чадварыг дээшлүүлэх хүрээнд Гал түймэр унтраах, аврах ангийн салааны захирагч, Эрэн хайх, аврах ангийн бүлгийн дарга нарын болон Гал түймэр унтраах, аврах ангийн механик жолооч, нярав, амьсгалын бие даасан төхөөрөмжийн засварчин нарын сургалтыг зохион байгууллаа.

Сургалтад Сүхбаатар сум дахь Гал түймэр унтраах, аврах 36, Мандал сум дахь Гал түймэр унтраах, аврах 19, Сайхан сум дахь Гал түймэр унтраах, аврах 61, Баянгол сум дахь Гал түймэр унтраах, аврах 40 дүгээр ангийн салааны захирагч, Эрэн хайх, аврах ангийн бүлгийн дарга нарын нийт 15 алба хаагч, мөн механик жолооч, нярав, амьсгалын бие даасан төхөөрөмжийн засварчин нарын нийт 8 алба хаагч оролцсон юм.

Алба хаагчдад хууль эрх зүй, дүрмийн мэдлэг, бичиг баримтын хөтлөлт, автомашин, техник, амьсгалын бие даасан төхөөрөмж, багаж хэрэгслийн ашиглалтыг сайжруулах, засварлах, техник үйлчилгээ хийх, хөдөлмөр хамгаалал, аюулгүй ажиллагааг хангах чиглэлээр мэдээлэл өглөө гэж Сэлэнгэ аймгийн Онцгой байдлын газраас мэдээллээ.


Алба хаагчдад сургалт зохион байгуулав  
Үзсэн: 257 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй