Омикрон хувилбарын дэгдэлтийн үеэр хичээл сургалтын үйл ажиллагааг тасалдуулахгүй явуулах боломж бий гэж БШУЯ үзэж байна.

Омикрон хувилбар эрчимтэй тархаж байгаа ч дэлхий улс орнууд хичээл сургалтынхаа үйл ажиллагааг үргэлжлүүлсэн хэвээр байна. Ингэхдээ  халдвараас  урьдчилан сэргийлж болох хувилбарыг  эрэлхийлж, өөрийн оронд тохирох хувилбарыг сонгон  хичээллэж байна.  Манай улс ч гэсэн  энэ туршлагаас  суралцаж,  өөрийн хувилбарыг дэвшүүлэх боломжтой гэж БШУЯ-ны Сургуулийн өмнөх, ерөнхий боловсролын бодлогын хэрэгжилтийг зохицуулах газрын дарга Т.Ням-Очир хэлж байна.  

Манай улс 2 жил зайнаас хичээллэсний дараа,  хичээл сургалтын үйл ажиллагааг эхлүүлэхдээ  5/9-ийн зарчмыг  сонгосон. Үүнийг цэцэрлэг сургууль төдийгүй зарим  их дээд сургуульд  ч баримтлан  хичээллэж,  нэгдүгээр улирлыг  амжилттай давсан гэж үзэж байна. Омикрон хувилбарын онцлогт  тохируулан  одоо үүнийг илүү нарийсгаж  хэрэглэх  боломжтойг тэрбээр хэллээ

БШУЯ-ны Сургуулийн өмнөх, ерөнхий боловсролын бодлогын хэрэгжилтийг зохицуулах газрын дарга Т.Ням-Очир   ярилаа.  Нэгдүгээр сарын  3-наас  УОК,  БШУЯ, ЭМЯ болоод  Эрдэмтдийн багийн  төлөөлөл бүхий  хамтарсан баг ажиллаж байна.  Багийн зүгээс  5/9-ийн зарчимд үнэлгээ дүгнэлт өгч,  цаашид баримтлах хувилбарыг боловсруулан гаргаж ирэх юм. Тэд  эхний дүгнэлтээ танилцуулаад байгаа бөгөөд  БШУ-ын Сайдын шуурхай хуралдаанаар дүгнэлтээ  эцэслэж, ирэх 7 хоногийн Засгийн газрын хуралдаанд танилцуулна.  Тэднээс  нэгдсэн шийд гарч,  цагаан сарын баярын дараа  хэрхэн хичээллэхийг мэдээлнэ гэлээ.

Монголын радиогийн "Хурд" агентлагийн сурвалжлагч Д.Нарантуяа