Үндэсний телевиз
Цагийн хүрд
Найм арваннэг
Монгол Улсын Ерөнхийлөгчийн ивээл дор жил бүр уламжлал болгон зохион байгуулагддаг 21 аймгийн аварга шалгаруулах хөлбөмбөгийн тэмцээн Увс аймгийн төв Улаангомд эхэлсэн талаар бид өмнө нь мэдээлсэн.
Тэмцээний гурав дахь өдрийг нээж Нэгдүгээр шатын А хэсгийн тоглолт Өмнөговь болон Завхан аймгийн багийн хооронд болж 15:2 харьцаатай ялалт байгуулснаар 6 оноотой хэсгээ тэргүүлж эхэллээ.
Хэсгийн дараагийн тоглолт Баян-Өлгий болон Хөвсгөл аймгийн багийн хооронд тун сонирхолтой явагдаж 3:2 харьцаагаар Баян-Өлгийн баг хожсоноор хэсгээ 6 оноотой Өмнөговь аймгийн багтай хамт тэргүүлж байна.
В хэсгийн тоглолт Хэнтий болон Төв аймгийн багийн хооронд явагдаж 18:2 харьцаатайгаар Төв аймгийн шигшээ баг өрсөлдөгчөө хожсон. Өчигдрийн хамгийн сонирхолтой өрсөлдөөнтэй тоглолт хэсгийн эхний тоглолтууддаа хожил байгуулаад байсан Сэлэнгэ болон Говь-Алтай аймгийн багийн хооронд явагджээ.
Тус тоглолтод Сэлэнгэ аймгийн шигшээ баг торгуулийн цохилтыг алдахад Говь-Алтай аймгийн багаас эцсийн мөчид торгуулийн цохилтоос гоолдож 1-0 харьцаатай хожсоноор хэсгээ 6 оноотой тэргүүлж эхэллээ.
| Хөлбөмбөгийн 21 аймгийн АШТ үргэлжилж байна | ||
| Үзсэн: 470 | Mongolian National Broadcaster |
Р.Слава
У.Баярсайхан
Л.Мөнхтөр
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.