Шууд Chart

"Парис-2024" олимпын эрхийн оноо олгох бадминтоны тэмцээн Улаанбаатарт болно

2022-08-15 12:05:48

Тодруулбал, тус тэмцээнд Монгол, Англи, АНУ, Азербайжан, Унгар, Энэтхэг, Индонез, Итали, Япон, Казахстан, БНСУ, Малайз, Тайвань, Тайланд, Сингапурын тамирчид ур чадвараа сорих юм байна. Монголд хүрэлцэн ирэх тамирчдын дунд дэлхийн чансааг тэргүүлж байсан ДАШТ-ий хүрэл медальт БНСУ-ын Сон Ван Хо багтаж байгаа аж.

Тэмцээний ерөнхий ивээн тэтгэгчээр "Моннис" групп, "Mines Up" компани ажиллаж байна.

Тэмцээн эрэгтэй, эмэгтэй ганцаарчилсан, эрэгтэй эмэгтэй хос, холимог хос гэсэн таван төрлөөр зохиогдоно. Өмнө нь 2018, 2019 онд олимпын эрхийн оноо олгох тэмцээн Монголд зохиогдож байжээ.

Монголын бадминтон сонирхогчдын холбооны менежер Т.Ууганбаяр “Токиогийн олимпод монголчууд бадминтоны төрлөөр оролцох боломжтой байсан ч “Ковид-19”-ийн нөхцөл байдлаас болоод төлөвлөсөн тэмцээндээ оролцож чадалгүй эрхийн гадна үлдсэн. Харин Парисын олимпод бид анх удаа эрх аван оролцох зорилго тавин ажиллаж байна” гэлээ.

Нийтэлсэн: Т.Болор-Эрдэнэ

"Парис-2024" олимпын эрхийн оноо олгох бадминтоны тэмцээн Улаанбаатарт болно  
Үзсэн: 225 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй