Үндэсний телевиз
Цагийн хүрд
Найм арваннэг
Оросын холбооны улсын Батлан хамгаалах яамнаас жил бүр зохион байгуулдаг Олон улсын цэргийн наадам "Арми" тэмцээнд "Танкийн биатлон" болон "Армийн соёл, урлаг" төрөлд Монгол Улсын Зэвсэгт хүчний баг тамирчид оролцож байна. Тус тэмцээн энэ сарын 15-нд ОХУ-ын нийслэл дэх “Патриот" цэцэрлэгт хүрээлэнд нээлтээ хийсэн.
"Олон улсын цэргийн наадам”-д энэ жил тус наадмыг зохион байгуулагч ОХУ-аас гадна Монгол, Хятад, Вьетнам, Лаос, Казахстан, Иран, Сири, Венесуэл зэрэг нийт 21 орны армийн төлөөлөл оролцож байна.
"Армийн соёл, урлаг" төрөлд Монгол Улсын Батлан хамгаалах салбар, Монгол Улсын музейнүүдийн төлөөлөл болж анх удаа Монгол цэргийн музейгээс “Арвангуравдугаар зууны морьтон дайчид” үзэсгэлэнгээ дэглэн эд өлөг, үзмэрүүдээ толилуулж байна.
Хорь гаруй орны Батлан хамгаалахын музейн байгууллагууд уралдааны эхний шат буюу цахим мэндчилгээ, нэрийн хуудсаараа өрсөлдөх нээлттэй санал асуулгыг эхлүүлжээ.
Ташрамд дурдахад "Армийн соёл, урлаг" төрөлд оролцож буй Монгол Улсын Батлан хамгаалах яамны харьяа Цэргийн гавьяаны улаан тугийн одонт Монгол цэргийн музейг https://golosovanie-ac.mil.ru/ линкээр орж саналаа өгч дэмжих боломжтой.
| Олон улсын цэргийн наадмын "Танкийн биатлон" болон "Армийн соёл, урлаг" төрөлд Зэвсэгт хүчний баг оролцож байна | ||
| Үзсэн: 514 | Mongolian National Broadcaster |
Р.Слава
Шог зураач Л.Мөнхбат
О.Шинэтуяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.