Хүнийг сонжиж мэдэх төрөл бүрийн арга байдаг. Түүний нэг нь дуртай өнгөөр нь сонжих гюм. Тодруулбал, таны дуртай өнгө таны зан аашийг бараг хэлээд өгнө. Энэхүү сорил өөрийгөө мэдэхэд тань тусална. Үр дүн бодитой байх үүднээс танд дуртай өнгөө дотуур хувцсаараа дүгнэхийг хүсье. Таны хувцасны ихэнх нь ямар өнгөтэй байна вэ.

Өдөр тутмын хувцсыг үнэтэй дэлгүүрээс загвар зохион бүтээгчийн нэрэнд хууртан авдаг, зарим нэгийг нь хэн нэгэн бидний дуртай өнгийг үл хамааран бэлэглэдэг. Иймд ямар өнгө таны ойр байна тэр л таны дуртай өнгө мөн. Гэхдээ энэ сонжоонд итгэх эсэх нь уншигч таны л мэдэх хэрэг юм шүү...

Хөх

Тод хөх өнгө таалагддаг бол та мөрөөдөмтгий романтик хүн. Гэхдээ энэ нь залуу насанд л ил тод илэрнэ. Хөгшрөхийн хэрээр та мэдрэмжээ нууж хүүхэд шиг харагдахгүйн тулд гайхах шагших сэтгэлээ хэзээ ч ил гаргахгүй, үйл хөдлөл санаа бодолдоо чөлөөтэй, хүмүүстэй харилцах дуртай, гэхдээ өөртөө л найдах нь дээр гэж үздэг. Саад тотгороос айдаггүй, учир нь ямар ч байдлаас гарах чадвартай гэдэгтээ хатуу итгэлтэй байдаг. Таныг албадах үнэнээ хэлэхийг шаардахад та дургүй, тэгээд ч та хэзээ ч худлаа хэлдэггүй. Таны зан ааш гүн мөрөн, нуур адил эхлээд харахад ёроол нь харагдахгүй, хүйтэн ус. Гэхдээ маш хүчтэй урсгалтай болохыг мэдэрнэ.

Цэнхэр

Цэнхэр энхрий намуухан сайхан өнгө. Та бүхий л амьдралын турш энэ өнгөнд дуртай байсан бол их эмзэг, сул дорой хүн юм. Та түшиг тулгуур болох эр хүнийг хайдаг ба ихэнхдээ олж чаддаг. Бусдыг ойлгож чаддаг тул танд хайртай байдаг. Гэхдээ та амьдралдаа идэвхгүй байж бусдыг дагах дуртай. Та шийдвэр гаргадаггүй. Таныг үг, үйл хөдлөлөөр эмзэглүүлэхэд амархан. Гэхдээ та муу санадаггүй. Та дурламтгай, дур булаам, гэвч найз нөхдүүд чинь танаас болох нь их. Энэ нь нэгдүгээрт таны мөнхийн идэвхгүй байдал тэднийг холдуулдаг, хоёрдугаарт тэд таныг уучилна гэдгийг баттай мэддэг ажээ. Та нарны гэрэлд баясаж уулнаас урсах сэрүүн горхи юм. Энэ горхины дэргэд бүгдэд л сайхан байх боловч уухаас биш усанд орж болохооргүй жижиг юм.

Нил ягаан

Оньсого мэт хүмүүст энэ өнгө таалагддаг. Амьдралдаа ямар нэгэн үл ойлгогдох зүйлийг хайдаг болов уу гэмээр. Та бодит уйтгартай амьдралаас залхаж өөрийгөө дэгжин, чамин, бусдыг таныг ахин дүгнэхэд хүртэл цочрол оруулах дуртай. Гэхдээ энэ бүхний цаана бага насны үед үүссэн өөртөө итгэлгүй байдал байна. Иймд таны бодлоор амьдрал хүүхдийн том ертөнцөөс айх айдастай маш төстэй байна. Та ухаантай, ур чадвартай. Гэхдээ бүгд таныг цорын ганц гэж бодоосой гэж хүсдэг. Гэхдээ та үүнд яаж хүрэхээ мэдэхгүйгээс гутардаг. Та өөрийн амьдралын зорилгоо тодорхой боловсруулахыг оролдоод үзээрэй. Тэгвэл та амжилтад хүрнэ. Та шидтэний нил нөмрөгтэй адил ид шидтэй боловч шидтэний гарт чадвартай болно, бусдын гарт зөвхөн эд зүйл.

Гүн ногоон

Ийм өнгөнд дуртай эмэгтэй өөртөө итгэлтэй, гүдэсхэн. Та хаанаас хаашаа яах гэж явж байгаагаа баттай мэддэг хүн шиг амьдралаа зохицуулдаг. Та сандарч тэвдэж байсан ч тайван харагдаж чаддаг. Үүнийгээ ашиглаад та гайхалтай удирдагч болж чадна. Ихэнх нь таныг хараад чулуун зүрхтэй гэж боддог. Хэрвээ та ингэж бодоосой гэж хүсэхгүй байвал хааяа ч болов биеэ сул тавьж бусдад хайрлаж, үзэн ядаж чаддагаа харуул. Тэд ч таныг биеэ барих чадвартай хүн болохыг ойлгоно. Та олон зуун жилийн настай модны адил шуургыг, бороо, зудыг ч тайван давж өнгөрдөг. Учир нь энэ бүгд болоод өнгөрнө. Харин мод байсан газраа л үлдэнэ гэдгийг та мэднэ.

Цайвар ногоон

Та итгэмтгий амьдралаас таашаал авдаг нэгэн. Гэхдээ хүмүүс таныг богино ухаантай, чухал шийд гаргах чадваргүй гэж үздэг. Гэвч тийм биш. Та сайн зүйлд итгэдэг, хийж болох бүхнийг хийдэг. Хэрэв итгэмтгий биш байсан бол их зүйлд хүрэх чадвартай. Таныг хуурч гомдоох нь их. Гэхдээ та хаширдаггүй дахиад л итгэдэг. Хайр дурлалд бүрэн автдаггүй бол дээр.  Та нялх ногоотой адил, түүнийг яаж ч гишгэлсэн шүүслэг цэвэрхэн хэвээр байж бусдыг баясгадаг.

Шар

Та шийдэмгий бардам зантай. Бусдын анхаарлын төвд байхыг хүсдэг. Худлаа магтсан ч танд таалагддаг. Бусдыг дагах дургүй. Энэ уян хатан бус байдлаасаа болоод жинхэнэ найз нөхөд цөөн. Та ойр байгаа хүмүүсээ анхааралтай хар даа. Тэдэнд ямар нэгэн юм таны зүгээс хэрэгтэй байж магадгүй. Та том амжилтыг хүсдэг, жижиг зүйлийг хийх дургүй. Таны үгэнд итгэж болохгүй. Гэхдээ ямар ч хүнийг хөгжөөж чаддаг тул бусад дутагдлыг тань үл анзааран таныг урьдаг, урих ч болно. Та ч тэдэн шиг бусдад хандаад үзвэл яасан юм бэ. Та хөөрхөн дэгдээхэйтэй адил хөгжилтэй, анхаарал татсан, гэхдээ дуу ихтэй, ашиг багатай.

Улбар шар

Байнга өндөрт байхыг хүсдэг дайчин зантай, гутардаггүй, амьдралд хайртай, өөдрөг үзэлтэй байдал чинь таныг ямар ч байсан үзэсгэлэнтэй болгож эрчүүд ч дуртай байдаг. Та ямар ч нөхцөл байдлаас ухаалаг гарц олно, ямар ч асуудлыг шийднэ. Ямар нэгэн таагүй юм болбол та өөрөө болохгүй зүйл хийжээ гэдэгтээ итгэлтэй байдаг. Хариуцлагатай, өөртөө маш олон үүрэг хүлээдэг. Гэхдээ хүчээ зөв үнэлээгүйгээс хааяа сэтгэлийн хямралд орж бүх юмнаасаа татгалзаж бусадтай харилцахаа болино. Заримдаа ийм зожгирох нь удаан үргэлжилдэг. Та улаан жижигхэн галтай төстэй. Хуурай мод бага багаар хаяад байвал асаад л дулаан илч бэлэглэнэ. Харин шууд олон мод хаячихвал анивалзаж байгаад унтарчихна.

Улаан

Дарангуйллын өнгө. Та эр зоригтой, зөрүүд, шийдэмгий эмэгтэй, эрх мэдэл нэр хүндэд дуртай, бусдыг захирах дуртай. Бүгдийг гартаа авахыг илүүд үздэг. Учир нь та удирдахгүй бол ажил бүтэхгүй гэж дотроо байнга бодож байдаг. Та эрч хүчтэй тул бусад хүмүүс таныг дагадаг. Гадаад байдал тань өөртөө итгэлтэй, хүчтэй байгааг илтгэж байдаг. Улаан өнгө бол булгилсан халуун цусны өнгө. Энэ цус таны биеэр тархаж эрч хүчийг өгдөг.

Улаан ягаан

Энхрий, гэмгүй, итгэмтгий байдлыг илтгэнэ. Хэдэн ч настай байсан сэтгэлээрээ 15-тай. Таныг хүрээлэн буй ертөнц гайхалтай сайхан. Та итгэл найдвар мөрөөдлөөр дүүрэн сэтгэлтэй. Гэхдээ таны агаарын цамхагийг устгах зүйл амьдралд чинь хэзээ нэгэн цагт гарч ирнэ. Тэр цагт хүссэн, хүсээгүй насанд хүрсэн эмэгтэйн нүдээр орчноо харна. Иймд бага багаар ертөнцийг таньж байсан нь дээр бус уу. Багаас эхлэ. Тийм чухал биш ч бие даасан шийд гарга, бусад хүмүүс яаж амьдардгийг хар. Та жижиг ягаан сарнайтай адил сайхан үнэртэй, бүгд л гайхаж хардаг. Гэхдээ гундаж хатдаг.

Хөх ягаан

Хөх ягаан хөөрхөн, хөнгөн, энхрий байхын зэрэгцээ хатуу ширүүн, зоригтой байдаг. Эрчүүдийг өөртөө татаж чаддаг, үгээр ч хөндийрүүлнэ. Амархан олдох юм таны сэтгэлийг татахгүй. Танд тэмцэл өрсөлдөөн, ялалт хэрэгтэй харин шагнал тийм ч чухал биш. Та ухаалаг гэхдээ хүмүүс зөвхөн их зантай хуурмаг сайхан бүсгүйг л олж хардаг. Үүнд та өөрөө ч буруутай. Та ухаантай гэдгээ харуулдаггүй, дурлалд бол бүр хөнгөмсөг. Хажуунаасаа өөрийгөө харвал та өөртөө л хайртай болно. Таны хувьд тоглоом шиг зүйл бусдын хувьд сэтгэлийн шаналал болдог. Та шүүслэг, амттай бөөрөлзгөнөтэй адил. Гэхдээ авч идэхийг хүссэн хэн ч өргөсөнд хатгуулдаг. Хатгуулаад жимсэнд хүрэх хүн ч бас ховор байдаг.

Цагаан

Энэ бол өнгө ч биш ямар ч өнгөгүй гэсэн үг. Та цагаан өнгөнд дуртай бол энэ нь таны дотоод ариун байдал, шударга занг илэрхийлнэ. Та хэзээ ч худлаа хэлэхгүй, бодсоноо шулуун хэлдэг, үнэн үг хатуу байсан нь дээр гэж үздэг. Зарчимч, хатуу, итгэлтэй, хайр дурлалд ч тогтвортой, үнэнч. Хамтрагчаасаа үүнийг хүсдэг. Та итгэл даадаг, хэлсэндээ хүрдэг, тусархаг. Гэхдээ бусдаас хэтэрхий хол, хүйтэн, хөндий байгаа гэсэн зэмлэл сонсож л байсан байх. Тэднийг анхаарвал яасан юм бэ. Та цасаар бүрхсэн талтай адил нүд гялбам сайхан, өөртөө бусдыг татдаг, хэдий удаан ч ширтэж болно. Гэвч түүгээр зугаалахыг хэн ч хүсэхгүй дэндүү хүйтэн.

Хар

Оньсого мэт байдлыг, мөн гадаад ертөнцөөс тусгаарлах хүсэлтэй болохыг илэрхийлнэ. Та зожиг болгоомжтой, ямар нэгэн юманд таныг алдахыг тэвчдэггүй. Бардам ухаалаг, дэгжин, хошигнох чадвартай. Дотны хүмүүсийн халамж анхаарлыг үнэлж тэдний төлөө юу ч хийхэд бэлэн. Гэхдээ таны нөхөр болоход хэцүү. Та өөрөө өөдрөг үзэлгүй ч сонирхолтой хөгжилтэй хүмүүстэй харилцахыг хүсдэг. Заримдаа та анхаарлын төвд байдаг ч удаан тийм нөхцөлд байх дургүй. Хэсэг хугацаанд ганцаараа байж хүчээ сэлбэхийг хүснэ. Та өвөрмөц бие хүн. Ихэнхдээ бусад чинь таныг ойлгодоггүй.

Саарал

Тайван ухаалаг хүний өнгө. Та бусдаас өөрийн бодгалиа нуухыг хичээдэг. Та хаана ч албархуу, ямарч сэтгэл хөдлөлгүй байхыг хүсдэг. Та ингэснээрээ бусдын дунд байр сууриа эзэлж өөрийгөө сонсдог болгож чадна гэж үздэг. Хэзээ нэгэн цагт энэ хэрэг болсон байх. Харин одоо бие дааж өөрийгөө харуулсан цагт зогсох юм биш үү. Та амьдралдаа олон зүйлийг алдсан юм шиг заримдаа санагддаг бололтой. Таны дотоод ертөнц рүү хэн ч өнгийхгүй. Та ч урихгүй. Харин үүнийг хийгээд үзвэл яах вэ. Саарал өнгө бол хүмүүсээс өвс, чулуу зэрэг сонирхол татах бүхнийг нуухыг орлосон тоос юм.

Бор (биеийн өнгө)

Энхрий ялдам сайхан сэтгэлийн өнгө. Амьдралын ямар ч нөхцөлд амархан дасан зохицдог, бүгдэд нийцүүлэх дуртай, асуудалд орооцолдох дургүй. Гэртээ байхыг тэргүүнд тавьдаг. Таныг хайрладаг хүмүүс таныг хүрээлээсэй гэж хүсдэг. Ойр дотно хэн ч үгүй бол сэтгэлээр унаж гутарч болно. Таныг хүмүүс энгийн гэж боддог. Та ч дотоод ертөнцөө тэдэнд дэлгэж бодол санаагаа асуугаагүй байгаа юм биш үү. Эмэгтэй хүн нүүр нь толбоор дүүрч, арьс нь ширүүсэхээс өмнө арьс нүүрээ хэзээ ч анхаардаггүй. Та мөн адил хэн ч таны давуу талыг харахгүй, дутагдлыг бүгдийг хардаг. Ийм байдал танд таалагдаж байна уу.