Шууд Chart

Монгол Улсын соёлын өв үлэг гүрвэлийн олдворуудыг буцаан авчрав

2024-02-20 17:33:10

Монголын соёлын өв 6 төрлийн үлэг гүрвэлийн 16 олдворыг АНУ-аас 2024 оны хоёрдугаар сарын 16-ны өдөр Улаанбаатар хотод авчирч, Соёлын өвийг хамгаалах тухай хуулийн дагуу холбогдох байгууллагад хүлээлгэн өгөв.

Тэдгээрийн дунд “Tyrannosauridae” бүлд хамаарах “Alioramus” үлэг гүрвэлийн олдвор байгаа нь зөвхөн Монголын нутаг дэвсгэрээс олддог байна.

Монгол Улсын Гадаад харилцааны яам, Монгол Улсаас Америкийн Нэгдсэн Улсад суугаа Элчин сайдын яам АНУ-ын Дотоодын аюулгүй байдлын яам болон гааль, хил хамгаалах байгууллагуудтай нягт хамтран ажилласны дүнд талууд “Өмч хөрөнгийг харилцан маргаангүй нөхцөлөөр хүлээлгэн өгөх тухай гэрээ”-г 2023 оны тавдугаар сарын 23-нд байгуулж, Монгол Улсын Ерөнхий сайд Л.Оюун-Эрдэнийн АНУ-д хийсэн албан ёсны айлчлалын хүрээнд Гадаад харилцааны сайд Б.Батцэцэг дээрх үлэг гүрвэлийн олдворуудыг буцаан авах ёслолын арга хэмжээнд Монгол Улсын Засгийн газрыг төлөөлөн оролцсон.

Монгол Улс, АНУ-ын Засгийн газар хоорондын хамтын ажиллагааны хүрээнд Монгол Улсын хилээр 2012 оноос хууль бусаар гарган худалдаалагдсан үлэг гүрвэлийн олдворуудыг монголын тал 2013, 2014, 2016, 2019 онд тус тус хүлээн авсан.


Монгол Улсын соёлын өв үлэг гүрвэлийн олдворуудыг буцаан авчрав  
Үзсэн: 1727 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Irgen [127.0.0.xxx] 2024-02-22 09:38
Za hujaa bol atgasan l bol erguulj tavikhgui ee .
Зочин [127.0.0.xxx] 2024-02-21 20:51
Хулгайлж хулгайгаар гаргасан найман хүн яригдаад байсан байл уу даа.
Зочин [127.0.0.xxx] 2024-02-21 17:34
Одоо оросын хулгайлаж авсан монголын түүх соелын өвыг олон улсын шүүхэд өгч буцааж ав орос өгөхгүй гэж гүрийж байгаа
Зочин [127.0.0.xxx] 2024-02-21 23:29
Эрмитаж байгаа хосгүй үнэт өвүүдийг буцааж авах хэрэгтэй. Буцааж өгнө гэсэн гэрээтэй байсан биз дээ.

Бидэнтэй нэгдээрэй