Уул уурхай, хүнд үйлдвэрийн яамны төлөөллийн ОХУ дахь айлчлалын гол уулзалт өнөөдөр тус улсын Үйлдвэр худалдааны яаманд боллоо.

Хоёр орны дэд сайд Б.Уянга, Михайл Юрин нар уул уурхай, үйлдвэрлэлийн чиглэлээр, тэр тундаа тэсрэх бодисын түүхий эдийн тогтвортой нийлүүлэлтийн талаар ярилцав.

Уулзалтаар ОХУ-ын талаас тэсрэх бодисын нийлүүлэлтэд ямар нэгэн хориг тавигдахгүй гэдгийг илэрхийлсэн ба цаашдаа хангамжийг тогтвортой байлгах, эрчимжүүлэх талаарх саналуудыг Монгол-Оросын Засгийн газар хоорондын комиссын хуралдааны Аж үйлдвэрийн салбар хуралдааны үеэр хэлэлцэхээр тохиролцлоо гэж Уул уурхай, хүнд үйлдвэрийн яамнаас мэдээллээ.