Шууд Chart

ЭМЯ-ны Төрийн нарийн бичгийн даргаар томилогдсон Д.Очирбат ажлаа хүлээж авлаа

2024-02-29 11:23:16

Засгийн газрын өчигдрийн хуралдаанаар ЭМЯ-ны Төрийн нарийн бичгийн даргаар Д.Очирбатыг томилох шийдвэр гаргасан. 

Уг шийдвэрийг Засгийн газрын ХЭГ-ын дэд дарга Д.Батбаатар ЭМЯ-ны удирдлагын багт танилцуулснаар Д.Очирбат Төрийн нарийн бичгийн даргын албаа хүлээж авлаа.

Тэрбээр хүний их эмч мэргэжилтэй бөгөөд нийслэлийн Чингэлтэй дүүргийн Засаг даргын Тамгын газарт эрүүл мэнд хариуцсан зохион байгуулагч, Чингэлтэй дүүргийн Засаг даргын орлогч, Засаг даргаар ажиллаж байсан. 2008-2012 онд УИХ-ын гишүүнээр сонгогдон ажиллах хугацаандаа Нийгмийн бодлого, боловсрол, шинжлэх ухааны байнгын хороог удирдаж байсан төрийн захиргааны болон улс төрийн ажлын туршлагатай нэгэн.

Мөн ЭМЯ-ны Төрийн нарийн бичгийн дарга, Улсын нэгдүгээр төв эмнэлгийн захирлаар ажиллаж байсан юм. 

Нийтэлсэн: Эрүүл мэндийн яам

ЭМЯ-ны Төрийн нарийн бичгийн даргаар томилогдсон Д.Очирбат ажлаа хүлээж авлаа  
Үзсэн: 1066 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Иргэн эмч [127.0.0.xxx] 2024-02-29 12:24
Гурван үсэгтэй газраар явж явж чимээгүй болсон хүн эргэж иржээ.

Бидэнтэй нэгдээрэй