Нийтийн тооллын 79 онд Эртний Ромын нутаг дээрх Везувий галт уул дэлбэрч, хормойд нь орших Помпей хотыг үнсэнд дарж орхисон байдаг.

Энэ хотын нурман туурийг археологичид олж илрүүлэн, түүхийн олон шинэ баримтыг гаргаж ирсээр байна.

Тэгвэл саяхан археологичид энэ хотын туурийн малтлагын ажлын үеэр эртний Грек Ромын үеийн дүрслэл бүхий уран зураг олсноо мэдээлжээ.

Малтлагын явцад томоохон ёслолын танхим байж болох дөрвөн ханан дээр Эртний Грекийн домог туульст гардаг Трои хотын Хелен зэрэг баатар, дүрүүдийг зурсан байжээ.

Энэ газар нь мөн хэдэн сая гантиг цагаан шигтгээн шалтай байсныг онцолжээ.

Одоогоор Помпей хотын малтлага үргэлжилсээр, хотын гуравны нэгийг хараахан ухаж гаргаагүй, нурман доор нууц хэвээрээ байдаг юм байна.