Испани улсын хоёр эмнэлэгт хэвтэн эмчлүүлж байгаа өсвөр насны хоёр өвчтөнд эмч нар робот технологи ашиглаж мэс ажилбар хийжээ.

Өвчтөнүүд хоёул төрөлхийн зүрхний дутагдалтай байсан юм.

Өсвөр насны өвчтөнд робот технологиор зүрхний мэс ажилбар хийж байгаа нь анхных гэдгийг онцолж байна.

Үүнээс өмнө залуу өвчтөнд зүрхний хагалгаа хийхдээ заавал цээжинд том зүсэлт хийдэг байжээ.

Робот технологийн тусламжтай өвчтөний биеийг илүү бага зүсэхээс гадна хагалгааны дараах эдгэх процесс хурдан, гоо сайхан талаасаа эерэг үр дүнтэй гэдгийг мөн онцолжээ.