Шууд Chart

Ховд аймгийн баг алтан медалийн төлөө өрсөлдөхөөр шалгарлаа

2024-05-22 10:10:18

Үндэсний Алтан цомын төлөөх хагас шигшээ барилдаан эхэлж, Ховд-Говьсүмбэр аймгууд барилдсанаас Ховд аймгийн баг 19:6-аар ялж, алтан медалийн төлөө барилдах эрхээ өвөртөллөө.

Ховд аймгийн багт улсын аварга О.Хангай /5/, улсын заан Б.Пүрэвсайхан /2/, дөрөвдүгээр тойргоос сэлгээнд сууж, түүний оронд орж барилдсан аймгийн арслан Ц.Төмөрцоож /1/,  улсын заан Б.Бат-Өлзий /4/, улсын харцага Г.Ганхуяг /2/ гуравдугаар тойргоос сэлгээнд сууж, түүний оронд орж барилдсан аймгийн арслан У.Батцоож /2/, аймгийн арслан М.Баяржавхлан /3/ нийт 19 даваа авсан бол Говьсүмбэр аймгийн багт аймгийн хурц арслан Т.Пүрэвсүрэн /0/, аймгийн хурц арслан Э.Мөнхбаатар /2/ аймгийн арслан Б.Үүрцайх /1/, аймгийн арслан Н.Намнансүрэн /2/, аймгийн арслан М.Эрхэмбаяр /1/ нийт 6 даваа авсан юм.

Ховд аймгийн багийн дасгалжуулагчаар улсын харцага Г.Алтангэрэл, Говьсүмбэр аймгийн багийн дасгалжуулагчаар аймгийн арслан Б.Гончигтавхай нар ажиллав.

Ийнхүү Говьсүмбэр аймгийн баг Өвөрхангай аймгийн багтай  энэ сарын 24-ний өдөр 18:45 цагаас хүрэл медалийн төлөө барилдах бол ялсан Ховд аймгийн баг Архангай аймгийн багтай энэ сарын 25-ны өдөр 18:00 цагаас Алтан медаль буюу "Алтан цом"-ын төлөө өрсөлдөнө хэмээн Монголын Үндэсний Бөхийн холбооноос мэдээллээ.


Ховд аймгийн баг алтан медалийн төлөө өрсөлдөхөөр шалгарлаа  
Үзсэн: 936 Mongolian National Broadcaster  

Сэтгэгдэл бичих:

АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Бидэнтэй нэгдээрэй