Шууд Chart

Архангай аймгийн Хайрхан сумын түүхт ойн барилдаанд улсын начин Т.Дүгэрдорж анх удаагаа түрүүллээ

2024-05-24 09:31:05

Архангай аймгийн Хайрхан сумын түүхт 100 жилийн ойд зориулсан Монгол улсын даян аварга Ц.Чимэд-Очирын нэрэмжит улс, аймгийн алдар цолтой хүчит 128 бөхийн барилдаанд Завхан аймгийн Отгон сумын харьяат, “Сүлд” спорт хороо, “Уушгийн баян” ХХК, “Даян” дэвжээний бөх, улсын начин Төрмөнхийн Дүгэрдорж түрүүлж, Архангай аймгийн Хайрхан сумын харьяат, “Алдар” спорт хороо, “Вайт лайк” ХХК, “Молор трейд” ХХК, “Бөхбилэгт” дэвжээний бөх, улсын харцага Оюунбаатарын Мөнх-Эрдэнэ үзүүрлэв.
 
Дөрөвт Завхан аймгийн Алдархаан сумын харьяат, “Тэргүүн саруул зам” ХХК, “Даян” дэвжээний бөх, улсын харцага Л.Лха-Очир, Дундговь аймгийн Эрдэнэдалай сумын харьяат, “Алдар” спорт хороо, “Пирамид орд” ХХК, Түшээт ханы аварга дэвжээний бөх, улсын өсөх идэр начин Э.Даш нар шалгарлаа.
 
Наймд улсын начин Л.Отгонбаатар, аймгийн арслан У.Батгэрэл, аймгийн заан Б.Баянсүх, аймгийн заан Г.Мөнхбаяр нар үлдэв.
Барилдаан зохион байгуулагчдын зүгээс “Улсын цолд ойрхон” бөхийн шагналыг Архангай аймгийн Хайрхан сумын харьяат, аймгийн заан Г.Мөнхбаярт гардуулсан юм.
 
Өнөөдөр буюу тавдугаар сарын 24-ний 18:45 цагаас Үндэсний Алтан цомын барилдааны хүрэл медалийн төлөө Өвөрхангай- Говьсүмбэр аймгийн багууд барилдах бол тавдугаар сарын 25-ны 18:00 цагаас Тэргүүн байрын төлөө Ховд-Архангай аймгууд өрсөлдөнө гэж Монголын Үндэсний Бөхийн холбооноос мэдээллээ.

 


Архангай аймгийн Хайрхан сумын түүхт ойн барилдаанд улсын начин Т.Дүгэрдорж анх удаагаа түрүүллээ  
Үзсэн: 885 Mongolian National Broadcaster  

Сэтгэгдэл бичих:

АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Бидэнтэй нэгдээрэй