ГЭРЛЭЛТ ШИНЭЭР БҮРТГҮҮЛЭХЭД

Гэрлэлтээ шинээр бүртгүүлж, гэрчилгээ авахад дараах материалыг бүрдүүлэх шаардлагатай.
Бүрдүүлэх материал:

1. Гэрлэхийг хүсэгчдийн иргэний үнэмлэх

2. Эрүүл мэндийн тодорхойлолт /Харъяа дүүргийн эрүүл мэндийн төвөөс/ гаргуулсан байна. Гэрлэхийг хүсэгчид дараах шинжилгээг мэргэжлийн эмнэлгийн байгууллагад хийлгэсэн байна. Үүнд:

• Бэлгийн замын халдварт өвчин
• ДОХ
• Сүрьеэ
• Сэтгэц

3. Гэрлэлтээ бүртгүүлэх тухай хамтран гаргасан өргөдөл /маягтаар/

• Гэрлэгсэд өргөдөлдөө:
• Гэрлэхээ сайн дураараа зөвшөөрсөн тухай
• Гэрлэхэд харшлах шалтгаан байхгүй тухай
• Гэрлэхийг хүсэгчид дагавар хүүхэдтэй бол түүнийг төрсөн хүүхдийн адил өсгөж хүмүүжүүлэхийг зөвшөөрөх тухай
• Хүүхдийн овог нэрийг өөрчлөх эсэх тухай зэргийг тусгасан байна.

4.  Гэрлэхийг хүсэгчид урьд гэрлэж байгаагүй тухай Иргэний бүртгэл мэдээллийн улсын төвийн лавлагаа /Шинэ гэр бүлийн 500,000–ыг авах бол анх удаа гэрлэж байгаа тухай лавлагаагаа канондаж нотариатаар батлуулна./

5.   Гэрлэхийг хүсэгчид урьд гэрлэж байсан бол гэрлэлтээ цуцлуулсан тухай, эсхүл нас барсан бол нас барсан тухай гэрчилгээ, архивын лавлагаа

6.  Гэрлэлтийн гэрчилгээний төлбөр

Гэрлэлтийн гэрчилгээгээ хаяж үрэгдүүлбэл :
Нийслэлд Иргэний бүртгэлийн төв архив, орон нутаг аймгийн ИБМА- ны архиваас гэрлэгснийг бүртгэсэн тухай лавлагаа авч, түүгээрээ оршин суугаа сум, дүүргээс гэрлэлтийн гэрчилгээг дахин авна.

Анхаарах: Гэрлэлтийн гэрчилгээ авахдаа заавал өөрсдийн биеэр хүрэлцэн ирнэ.

Жич: ЭСЯ-ны Консулын хэлтсээс иргэдэд гэрлэлтийн гэрчилгээ олгож гэрлэгсдийн ХААТР – 11/А/ маягт /эхнэр, нөхрийн талаарх мэдээллийг ирүүлсэн бичиг, баримтууд дээр үндэслэн бичсэн 2002 оны 12-р сарын 31-ний өдрийн Үндэсний Статистикийн төв газрын даргын №265-р тушаалаар баталсан маягтыг хэлнэ/ -ыг Монгол Улсын ИБМУТ-д илгээснээр албан ёсоор гэрлэлтийг бүртгэж баталгаажуулдаг журамтай.

ГЭРЛЭЛТ ЦУЦЛУУЛСНЫГ БҮРТГҮҮЛЭХЭД
 

• Гэрлэлт цуцалсан тухай шүүхийн шийдвэр
• Эхнэр, нөхрийн иргэний үнэмлэх
• Захиргааны журмаар гэрлэлт цуцлах бол эд хөрөнгийн маргаангүй, дундаас төрсөн болон үрчилж авсан 18 хүртэлх насны хүүхэдгүй тухай өргөдөлдөө дурьдсан байна.
• 18 насанд хүрсэн хүүхэдгүй тухай сум, хорооны Засаг даргын тодорхойлолт
• Гэрлэлтийн гэрчилгээ үрэгдүүлсэн бол иргэний баримтын архивын лавлагаа
• Эхнэр,нөхөр өөрийн биеэр байх ба хүндэтгэн үзэх шалтгааны улмаас хэн нэг нь байхгүй тохиолдолд өргөдлийг нотариатаар батлуулна.
• Гэрчилгээний үнэ 2500

Гэрлэлт цуцлуулж буй хосууд єєрийн биеээр өөрийн оршин суугаа  газрын сум, дүүргийн улсын бүртгэлийн байгууллагад хандана.

ГЭРЛЭЛТ СЭРГЭЭСНИЙ БҮРТГЭЛД БҮРТГҮҮЛЭХЭД

• Нөхөр, эхнэр гэрлэлтээ сэргээлгэхийг хүссэн өргөдөл
• Иргэнийг сураггүй алга болсонд тооцсон, эсхүл нас барсан гэж зарласан  шүүхийн шийдвэрийн хуулбар
• Захиргааны журмаар гэрлэлт цуцлалтыг хүчингүй болгосон шийдвэр
• Шүүхийн журмаар гэрлэлт цуцалсан бол шүүхээр цуцлалтыг хїчингїй болгосон шийдвэр
• Иргэний үнэмлэхийн хуулбар
• Гэрлэгсийн УБЕГ-ын Иргэний баримтын архивын гэрлэсэн эсэх лавлагаа
• Гэрчилгээний үнэ 2500

Гэрлэлт сэргээж буй хосууд өөрийн биеээр оршин суугаа  газрын сум, дүүргийн улсын бүртгэлийн байгууллагад хандана.