2015 оны чөлөөт бөхийн улсын аварга шалгаруулах тэмцээний эмэгтэйчүүдийн 53 кг, 60 кг, 69 кг, эрэгтэйчүүдийн 61 кг, 74 кг, 125 кг-ын барилдаанууд Спортын төв ордонд  өчигдөр тус тус болж медалийн эзэд тодорлоо.

Үүнд,
Эрэгтэйчүүдийн 61кг-ын жинд:
    Ази Тивийн аварга шалгаруулах тэмцээний хүрэл медальт, Монголын бүр ард түмний спортын наадмын аварга, олон улсын хэмжээний мастер Батсайханы Нэмэхбаяр

Эрэгтэйчүүдийн 74кг-ын жинд:
    Ази тивийн аварга шалгаруулах тэмцээний хүрэл, Азийн Спортын наадмын хүрэл медальт, олон улсын хэмжээний мастер Доржваанчигийн Гомбодорж

Эрэгтэйчүүдийн 125 кг-ын жинд:
    Чөлөөт бөхийн Монгол улсын долоон удаагийн аварга,  Ази тивийн аварга шалгаруулах тэмцээний 2 мөнгө, 3 хүрэл медальт, Азийн наадмын мөнгөн медальт, ДАШТ-ий тавдугаар байрын шагналт, олон улсын хэмжээний мастер Жаргалсайханы Чулуунбат тус тус 2015 оны чөлөөт бөхийн улсын аварга шалгаруулах тэмцээний алтан медалийн эзэд боллоо.

Эмэгтэйчүүдийн 53 кг-ын жинд:
    Чөлөөт бөхийн УАШТ-ий дөрвөн алтан медальт, Ази тивийн аварга шалгаруулах тэмцээний мөнгө, хүрэл медальт, Дэлхийн аварга шалгаруулах тэмцээний мөнгөн медальт Даваасүхийн Отгонцэцэг

Эмэгтэйчүүдийн 60 кг-ын жинд:
    Чөлөөт бөхийн ДАШТ-ий хошой хүрэл медальт, МУГТ Тунгалагийн Мөнхтуяа

Эмэгтэйчүүдийн 69 кг-ын жинд:
    Азийн наадмын мөнгөн медальт, Ази тивийн аварга шалгаруулах тэмцээний мөнгө, хүрэл медальт, Чөлөөт бөхийн ДАШТ-ий 3 хүрэл медальт МУГТ Очирбатын Насанбурмаа нар тус тус алтан медалийн эзэд боллоо.