Боксын тэмцээнүүдийн явцад шүүгчийн шударга бус шүүлтээс үүдсэн маргаан гарах нь их. Гэвч зодоон цохион болтолоо хурцадсан нь үгүй.  Тэгвэл шүүгчдийн шударга бус шүүлт өдгөө ч үргэлжилсээр байгаагын нэг жишээ саяхан өсвөр үеийн Европын АШТ-ний үеэр болов. Хорватын тамирчин В.Лончар "шударга бус шүүлээ" хэмээн шүүгчээ рингэн дээр зодсон хэрэг гарчээ.

Тэрбээр Литвийн тамирчинтай нударга зөрүүлсэн боловч, рингийн шүүгч В.Лончарыг хүнд цохилтод орсон гэж үзэн, тулааныг зогсоох шийдвэр гаргасан байна. Харин Хорват залуу өөрийгөө хүнд цохилтод ороогүй учраас, шударга бус шүүлээ хэмээн шүүгчийг цохиж, газар унаган зоджээ. Энэ үеэр түүний өрсөлдөгч Литвийн тамирчин рингнээс санд мэнд зугтсан бол өөр нэгэн шүүгч уурласан Хорват залууг рингээс татан гаргасан аж.

Өмнө нь БНСУ-ын Инчон хотод болсон Азийн XVII дахь спортын их наадмын үеэр зохион байгуулагч орны боксын  тамирчид шүүгчтэй хуйвалдаж хэд хэдэн ялалт байгуулсан. Үүнд дургүйцлээ илэрхийлсэн Энэтхэгийн боксын эмэгтэй тамирчин С.Дэви хүрэл медалиа энгэртээ зүүхээс татгалзан, дэвжээний эзэн орны тамирчинд шилжүүлэн эсэргүүцлээ илэрхийлж байв.