Шилэн дансны тухай хуулийг хангалтгүй хэрэгжүүлж буй нийслэлийн байгууллагуудын удирдлагад хариуцлага тооцно

Шуурхай:

Шилэн дансны тухай хуулийг хангалтгүй хэрэгжүүлж буй нийслэлийн байгууллагуудын удирдлагад хариуцлага тооцно

2015-09-11 11:19:55

Нийслэлийн Засаг даргын Санхүү, эдийн засгийн асуудал хариуцсан орлогч Н.Батаа “Хариуцлага тооцох тухай” А/730 дугаар захирамж гаргалаа. Захирамжаар Шилэн дансны тухай хуулийн 6 дугаар зүйлийн 6.1.2 дахь заалтад заасан сар, улирлын төсвийн гүйцэтгэлийг мэдээлээгүй төсвийн шууд захирагч нарт, 6.3.1-6.3.3 дахь заалтын дагуу эрх бүхий байгууллагаас баталсан төсөв, гүйцэтгэлийн KPI-г байршуулаагүй байгууллагын дарга нарт тус тус сануулах сахилгын шийтгэлийг ногдууллаа.

Холбогдох мэдээллийг хуулийн хугацаанд шилэн дансны цахим хуудсанд байршуулаагүй байгууллагын дарга нарт хуульд нийцүүлэн сахилгын арга хэмжээ ногдуулахыг Сонгинохайрхан, Багануур, Сүхбаатар, Баянзүрх, Чингэлтэй дүүргийн Засаг дарга нарт үүрэг болголоо.

Шилэн дансны тухай хуулийн хэрэгжилтэд үргэлжлүүлэн хяналт тавьж ажиллахыг нийслэлийн Дотоод аудитын алба, энэхүү захирамжийн биелэлтийг нийслэлийн хэмжээнд зохион байгуулахыг Нийслэлийн Засаг даргын Тамгын газарт даалгалаа.

ШИЛЭН ДАНСНЫ ТУХАЙ ХУУЛИЙН 6 ДУГААР ЗҮЙЛИЙН 1.1.2 ДАХЬ ЗААЛТАД ЗААСАН
САР, УЛИРЛЫН ТӨСВИЙН ГҮЙЦЭТГЭЛЭЭ БАЙРШУУЛААГҮЙ БАЙГУУЛЛАГЫН
ЖАГСААЛТ

№	Харьяалал	Байгууллагын нэр
1	Сүхбаатар	35 дугаар сургууль
2	Сүхбаатар	171 дүгээр цэцэрлэг
3	Сонгинохайрхан	158 дугаар цэцэрлэг
4	Чингэлтэй	61 дүгээр сургууль

ШИЛЭН ДАНСНЫ ТУХАЙ ХУУЛИЙН 6.3.1-6.3.3 ДАХЬ
ЗААЛТЫН ДАГУУ ЭРХ БҮХИЙ БАЙГУУЛЛАГААС БАТАЛСАН
ТӨСӨВ, ГҮЙЦЭТГЭЛИЙН KPI МЭДЭЭЛЭЭГҮЙ БАЙГУУЛЛАГЫН
ЖАГСААЛТ

№	Харьяалал	Байгууллагын нэр
1	Нийслэл	Налайхын барилгын материал үйлдвэрлэлийн технологийн парк
2		Ус сувгийн удирдах газар
3		Хэсэгчилсэн инженерийн хангамжийн удирдах газар

ШИЛЭН ДАНСНЫ ТУХАЙ ХУУЛИЙН ДАГУУ ХОЛБОГДОХ
МЭДЭЭЛЛЭЭ ХУГАЦААНД НЬ МЭДЭЭЛЭЭГҮЙ
БАЙГУУЛЛАГЫН ЖАГСААЛТ

№	Харьяалал	Байгууллагын нэр	Хуулийн заалт
1	Багануур	Ахмадын хороо	Шилэн дансны тухай хуулийн 6 дугаар зүйлийн 6.1.2 дахь заалтад заасан сар, улирлын төсвийн гүйцэтгэлээ байршуулаагүй
2	Сонгинохайрхан	Өнө-Ачит өрхийн эмнэлэг
3		Жаргалант Захирагчийн ажлын алба
4		Ахмадын хороо
5		Сонгинохайрхан амралт цогцолбор
6	Багануур	Авто жим	Шилэн дансны тухай хуулийн 6.3.1-6.3.3 дахь заалтын дагуу эрх бүхий байгууллагаас баталсан төсөв, гүйцэтгэлийн KPI мэдээлээгүй
7	Багануур	Хот тохижилт
8	Сүхбаатар	Сүхбаатар Дэвшил ОНӨААТҮГ
9	Баянзүрх	Нийтлэг үйлчилгээний газар 1
10	Баянзүрх	Нийтлэг үйлчилгээний газар 3
11	Багануур	Усан спорт, боулингийн төв	Шилэн дансны тухай хуулийн 6.4.3 дахь заалтын дагуу тендертэй холбогдох мэдээллээ хуулийн хугацаанд мэдээлээгүй

Нийтэлсэн: НЗДТГ-ын хэвлэл мэдээлэл, олон нийттэй харилцах хэлтэс

	Шилэн дансны тухай хуулийг хангалтгүй хэрэгжүүлж буй нийслэлийн байгууллагуудын удирдлагад хариуцлага тооцно
Үзсэн: 860	Mongolian National Broadcaster

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.

112.72.13.xxx [112.72.13.xxx] 2015-09-12 22:12

манай нийслэлийн удирдлага үнэн тэнэг мөрөөдхөөс цаашгүй ямарч тооцоо судалгаа байхгүй одоо хийсэн ажил нь хийх ёстой ажил ман намын тэнэгүүдээс арай дээр тоо бодож чадахгүй мөрөөдөж тэнэгтхээс өөр ажил байхгүй бас хүүхэддээ тендэр гэх юм өгнө ядарсан ухаа нтай ядруу улсд ажил хийж үзээгүй

0 0 Хариулах