Үндэсний телевиз
Цагийн хүрд
Найм арваннэг
Өнгөрсөн шөнө Япон улсын өмнөд хэсэгт орших Кюүшюү арал буюу Кумамото мужид 6.4 баллын хүчтэй газар хөдлөсний улмаас 4 хүн нас барж, 780 хүн гэмтэж бэртээд байгаа талаар NHK мэдээллээ.
Газар хөдлөлтийн голомт нь Машико хотын орчим газрын гадаргаас 10 км гүнд болсон гэж тус улсын цаг уурын агентлагийн газар хөдлөлт судлалын төвөөс мэдэгдлээ. Мөн үүний улмаас тус хотын 2 иргэн нас барж, 45 хүн гэмтэж бэртсэн талаар мэдээллээ. Арлын цөөн цэгт чичиргээ 9 балл хүрчээ. Газрын гүн дэх чичиргээ одоо ч мэдрэгдсээр байгаа талаар орон нутгийн эх сурвалжууд мэдээлсээр байна. Газар хөдлөлтийн нөлөөгөөр гал түймэр гарах болон цунами үүсэх аюул нүүрлээд байгаа аж.
Энэхүү байгалийн гамшгийн улмаас 20 орчим барилга нурж, 16 мянган өрхийн эрчим хүч тасарчээ. 2011 онд 9 баллын хүчтэй газар хөдлөлт цунами үүсгэж, Фукушима Дайичи атомын цахилгаан станцад осол гарахад хүргэсэн. Харин энэ удаагийн газар хөдлөлт харьцангуй сул байсан учраас Кюүшюү арал дээр ажиллаж байгаа цөмийн 2 реакторын үйл ажиллагаанд нөлөөлөөгүй гэх тайлбарыг албаныхан хийлээ. Үүнтэй холбогдуулан тус улсын Засгийн газраас тухайн бүс нутагт онц байдал зарлаад байна.
Энэ талаар бид тун удахгүй дэлгэрэнгүйг хүргэх болно.
.jpg)
Бэлтгэсэн: Э.Энхрэл, М.Тодбэх
| ШУУРХАЙ МЭДЭЭ: Япон улсын өмнөд хэсэгт хүчтэй газар хөдлөлт боллоо | ||
| Үзсэн: 5401 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.